علیمہ خانم کی گرفتاری کا اڑھائی سال سے مراعات لینے والے خاموش بیٹھے تحریک انصاف کے اراکین اسمبلی کی گرفتاریوں سے کوئی موازنہ نہیں۔ پنجاب اسمبلی اور قومی اسمبلی سے اسعتفے دیں اور گھر جائیں۔

اگرچہ اس پورے معاملے کی واقعاتی جزئیات میں زیادہ دلچسپی نہیں ، ہمارا مطمع نظر وہ خوشی کی لہر ہے جو ایک کرنل کو ایک چھڑی اور تین عدد تھپڑ پڑنے پر پوری قوم نے محسوس کی ہے۔ لیکن اب چونکہ اس معاملے کی کئی ایک ویڈیوز سامنے آچکی ہیں تو یقین سے بہت کچھ کہا جاسکتا ہے۔ خاتون کے ساتھ مسلح گارڈ موجود تھا۔ خاتون نے بیرئیرز گرائے۔ خاتون نے آشناء کرنل کی طاقت کی شہہ ہونے پر پولیس اہلکار سے ڈنڈا چھین کر بھی حملہ کیا۔ خاتون نے ایک طالبعلم کو تھپڑ مارا جس پر بھی اس نے تحمل سے کام لیا۔ جائے وقوعہ پر پولیس کی نفری بھی موجود تھی۔ خاتون فون پر کسی کو بلا رہی تھی، دھمکیاں اور وارننگ دیتے ہوئے احتجاج ختم کرنے کا مطالبہ کر رہی تھی۔ خاتون کرنل کی اہلیہ یا رشتہ دار بھی نہیں ہیں۔ خاتون اس سے قبل ایچ او ڈی کو عہدے سے ہٹوا کر اضافی چارج لے چکی ہے۔ طلباء ایچ او ڈی کو برقرار رکھنا چاہتے تھے اور جیسا بتایا جاتا رہا یہ غیرت ، یا پرتشدد ہجوم کا نہیں بدمعاشی ، اختیارات سے تجاوز اور غنڈہ گردی کا معاملہ تھا اور کرنل صرف آشنا خاتون کے سامنے کچی عمر کے فلیکسز دکھا رہا تھا۔ کسی ایک بھی ویڈیو میں کوئی ایک بھی طالبعلم سوائے احتجاج کے کچھ اور کرتا دکھائی نہیں دیا۔ کسی ایک بھی طالبعلم نے کرنل پر ہاتھ نہیں اٹھایا تاوقتیکہ کرنل نے دو تین طالبعلموں کو گالیاں بکیں اور ان پر حملہ کیا۔یہیں ایک اور چیز بھی محسوس ہوئی کہ پاکستان کے بہت سارے صحافی اس موضوع پر گفتگو نہیں کرپائے۔ یعنی انہیں اپنی حدود معلوم تھیں۔ کچھ کی پوسٹ شدہ ٹویٹس ڈیلیٹ ہوگئیں یعنی حکم آگیا اور بہت سے عادی مجرم “ اصل میں یہ ہوا “ والا سکرپٹ بھی دوہراتے رہے۔ لہذا گفتگو کا اختتام یہاں ہوتا ہے کہ فوج نے کبھی مشرقی پاکستان دولخت کرنے کی ذمہ داری تسلیم نہیں کی وہ ایک کرنل کی چھوٹی سے بدمعاشی کیسے مان جاتی۔ اس ملک میں میڈیا اور صحافی سب کنٹرولڈ اور اجازت و حکم کے تحت چلتے ہیں۔ وما وعلینا الی البلاغ ۔۔۔