Mohammed sayed ✨🕸

سبحان الله.. قادرة الغلاوة والمحبة والتقدير يتحولوا بسهولة لقرف، ونفور، وندم حتى مع اعتقادك باستحالة إن ده يحصل!.. الناس بإيديهم هما اللي بيحددوا فين مكانهم ومكانتهم في قلوبنا.. أفعالهم هي اللي بتشيل وتحط، إحنا مالناش أي دخل في الأمور.. الغلط عمره ما كان ولا هيكون على مشاعر ماتت، الغلط على اللي ماعرفش يقدرها ويحافظ عليها.

الإنسان النضيف، السوي، المتربي، وابن الناس بجد دايماً هترعبه فكرة إنه يكون نقطة سوداء في حياة حد، ومش هيستحمل يبقى مصدر ضرر أو قلق أو تعب أو أذى لغيره.. عشان كده بتظل الدعوة الأهم إن ربنا ما يجعلنا سبب في أذية حد بقصد أو بدون.. نتمنى نكون المحطة اللطيفة اللي بيعدي عليها غيرنا بدون ما ضميرنا يأنبنا، أو نكابر في الغلط، أو نبجح في الصح، أو ندوس على مشاعر، أو نكسر قلوب وبعدها نتعامل عادي كإننا ماعملناش حاجة!.. نتمنى في كل خطواتنا وتعاملاتنا نبقى خُفاف، ونمر بدون ما نضر.