fof

بخصوص المنقبات اللي اتمسكوا بيتحضنوا و بيتباسوا من اتنين شباب، انا لو خيروني بين اني اعيش ف مجتمع منافق مدعي التدين و بين مجتمع فيه حريه و كل حاجه مباحه مع احترام الحريه الشخصيه، دايما هختار مجتمع الحريه المجتمع المتدين بطبعه عايش ف فقاعه مرضيه اسمها المثاليه، اللي هو احنا متدينين اوي و احنا زي الفل من ناحيه قدام الناس و هنهاجم اي حد بيعمل عكسنا و نزايد عليه و نوصمه و ف نفس الوقت من ورا الناس بتلاقيه عامل اوسخ حاجه ممكن تتخيلها ف حياتك بس بعيد عنك عشان متقولش انه بيستشرف عليك و متاكلش وشه و تكشف نفاقه اللي هو عاجلا ام اجلا بيبقي مكشوف فوق ده طبعا مننساش انه نفاقه ده بيمارس فيه تحكم ووصايه ع الستات، اللي هو لازم تتحجبي او تتنقبي عشان الدين امر بكده، حتي لو هي مش لابساه عن اقتناع، او مش متدينه من اساسه بس هو لازم المنظره الدينيه ع حساب حريه اختيارها كبنت عشان احنا "زريبه متدينه بطبعها" و "البنت شرفها ف جسمها و لو جسمها اتكشف ف العار هياكل وشنا قدام الناس". المجتمع اللي فيه حريه احسن ليه؟ لأنه بالرغم انه فيه مساحه حريه كافيه لأي حد يعمل اللي يبسطه ف اي مكان بين واحد و مراته او صاحبته او ايا كانت صله القرابه بينهم ف في نهايه اليوم مش بييجي ع غيره و فيه احترام لحدود الناس بين بعض. هما الاتنين ف حالهم مع نفسهم و الناس من حواليهم ف حالهم محدش بيضايق غيره و بيتدخل ف اللي ميخصهوش اخيرا، الموقف اللي حصل ده بيهدم اهم صنم عند العيال تربيه الزرايب المتدينين بطبعهم. الا و هو انه المحتشمه محترمه و يتدفع فيها مهر و اللي لابسه كل حاجه نفسها فيها مش محترمه و شمال و ماشيه ع حل شعرها و "رخيصه". اللبس عمره ما كان مقياس للاحترام و العفه او وصم حد بأنه مش محترم او ماشي مقضيها. ياما ناس لابسين بدل و متشيكين اخر شياكه و هتلاقيهم اوسخ ناس ممكن تشوفهم ف حياتك، اولهم مشايخ الزمن ده كمثال. اي اصلاح مجتمعي بدايته لما المجتمع يبطل نفاق و كدب و يبطل يوهم نفسه انه مجتمع ذو اخلاق و فضيله و هما عارفين كويس انه مفيش حد من افراده لا بيتحلي بأخلاق ولا فضيله و يبطلوا يقمعوا حريه اي ست ف اللبس بداعي انه الست شرفها ف جسمها بدلا من عقلها و طريقه تفكيرها.