Pak انصافی 🇵🇰

حملہ مکہ مکرمہ میں نہیں بلکہ مکہ ڈویژن میں واقع طائف شہر میں ہوا تھا۔ پرانی تصاویر لگا کر جھوٹا پروپیگنڈہ سب سے پہلے اسرائیلی میڈیا سے شروع ہوا پھر امریکی اراکین کانگریس نے اسے درست تسلیم کرتے آگے بڑھایا حتی کہ ہماری حکومت بھی اس میں شامل ہوگئی۔ ہمارے فرقہ پرستوں کا تو کہنا ہی کیا وہ سنی اکثریت کے یمن کو اب شیعہ ماننے لگ گئے ہیڻ۔ سعودیہ کے ساتھ حوثیوڻ کا جو جھگڑا سعودیہ کے یمن میں الیکشن میں رکاوٹ بننے پہ شروع ہوا تھا اسے مسلکی جنگ قرار دے رہے ہیں۔ حالانکہ اسی فیصد یمنی حوثیوں کے ساتھ ہیں۔ جبکہ یہ خود سعودیہ کے لئے بہت زیادہ خطرناک ہے۔ فرقہ پرست یہ تصور کرتے ہیں کہ یہ پروپیگنڈہ چاہے جھوٹا ہی سہی لیکن اس طرح وہ سعودیہ کی خدمت کر رہے ہیں۔ مصر کے جمال عبدالناصر کی فوج ساٹھ کی دہائی میں اسی یمن میں ڈوب چکی ہے سعودیہ کے پاس تو ویسی پروفیشنل فوج ہے بھی نہیں۔ اپنے تئیں سعودیہ کی خدمت کرتے یہ لوگ یہ بھی نہیں سوچ رہے کہ ایم بی ایس سعودیہ کو خطرناک عدم استحکام سے نکال کر آہستہ آہستہ بڑی زیرکی سے استحکام کی طرف لاتا جارہا تھا کہ اب امریکیوں نے اس کے لئے مشکل ترین چیلنج پیدا کردیا۔ ایک وہ وقت تھا جب سعودیہ کا پوری طرح صرف امریکہ پہ انحصار تھا اس سٹیج سے سعودیہ کو نکال کر سٹریٹیجک خودمختاری تک لانا آسان کام نہ تھا جبکہ امریکہ ہمیشہ اسکی چھٹی کرا کے ولید بن طلال یا نائف جیسا اپنی پسند کا کارندہ لانا چاہتا تھا۔ حوثیوں اور سعودیہ کی موجودہ لڑائی سراسر امریکہ کی پیدا کردہ اس نے جاتے جاتے سعودیہ کو غلط انٹیلیجنس معلومات فراہم کی تو سعودیہ نے صنعا ایئرپورٹ پہ بمباری کی اور موجودہ لڑائی چھڑی۔ ورنہ 2023 میں آپریشن طوفان الاقصیٰ سے قبل تو دونوں معائدہ کے قریب تھے۔ سعودیہ یمن سے جنگ افورڈ ہی نہیں کرسکتا بلکہ اس وقت سعودیہ کوئی بھی جنگ افورڈ نہیں کرسکتا کوئی بھی جنگ اسے شدید داخلی عدم استحکام کا شکار کردے گی اور پھر اسکے مستقبل کا کچھ پتہ نہ ہوگا۔ سعودیہ ایک قبائلی معاشرہ ہے جہاں وفاداریاں بدلتے دیر نہیں لگتی اور اس کے پاس کوئی پروفیشنل فوج ہے نہیں۔ کچھ لوگ یہاں یقیناً یہ سوال کرینگے کہ حوثی سعودی اور اسرائیلی جہاز تو روک رہے ہیں لیکن امریکی کیوں نہیں ؟ یہ فساد کی نیت سے پھیلایا گیا سوال ہے ورنہ سوال کرنے والوں کو اچھی طرح سے علم ہے کہ پچھلے سال جب امریکہ یمن پہ ایئرسٹرائیکس کر رہا تھا اور جواب میں حوثی اس کے جہازوں کو باب المندب سے گزرنے نہیں دے رہے تھے تو عمان نے انکے مابین معاہدہ کرایا کہ امریکہ وہاں ایئرسٹرائیکس نہیں کرے گا اور حوثی اس کے جہاز نہیں روکیں گے۔ حتی کہ ایران کے علاقائی اتحادی ہونے کے باجود حوثیوں نے اس ایران امریکہ جنگ میں امریکی جہاز نہیں روکے ، حالانکہ اگر وہ ایران کی پراکسی ہوتا تو ایران کی طرف جانے والے امریکی جنگی جہاز تو ضرور روکتا۔ نہ امریکہ اس معایدہ کو توڑ رہا ہے اور نہ حوثی۔ اب ایسا سوال کرنے والے ایک سوال کا جواب خود دیں اور وہ یہ کہ جب 2023 میں حوثی اور سعودی معائدہ کے قریب تھے تو اہل غزہ کے طوفان الاقصیٰ کے بعد سعودیہ انکار کیوں کر گیا ؟ تب حوثیوڻ نے اہل غزہ کی حمایت میں اسرائیل پہ میزائل پھینکنا شروع کردیے اور سعودیہ نے ناراض ہوکر معائدہ منسوخ کردیا۔ اب کیا ہم یہ کہیں کہ ایم بی ایس صیہونی ایجنٹ ہے ؟ ہرگز نہیں اس طرح کی جاہلانہ الزامات سے گریز کرنا چائیے خصوصاً ایسے نازک موقع پہ۔ یقیناً ایم بی ایس کی اپنی مجبوریاں تھیں تب وہ ابراہام اکارڈ کا سرے سے انکار کرنے کی پوزیشن میں نہ تھا۔ جس طرح ایم بی ایس کے خلاف صیہونی ایجنٹ ہونے کا پروپیگنڈا غلط ہے بعینہ اسی طرح حوثیوں کے خلاف شیعہ ہونے اور یمن خانہ جنگی کا مسلکی جھگڑا ہونے کا پروپیگینڈہ غلط ہے۔ زیدیہ شیعہ اور حوثی تحریک دو الگ الگ چیزیں ہیں، زیدیہ کی اکثریت اگرچہ حوثیوں کے ساتھ ہے لیکن بہت سے حوثی بشمول پچھلا سعودی حمایت یافتہ صدر بھی سعودیہ کے ساتھ۔ جبکہ سنی اکثریت کے یمن میں اسی فیصد عوام حوثیوں کے ساتھ ہیں اور بہت سے سعودیوں کے ساتھ بھی۔ حوثی موقف سیاسی ہے نہ کہ مسلکی ، وہ اسرائیل پہ کوئی سمجھوتہ کرنے کو تیار نہیں اور یمن میں آزادانہ الیکشن چاہتے تھے اور یہی وجہ تھی انکی سعودیوں سے ناراضی کی جو جنگ میڻ بدل گئی۔ جاری ہے 👇