NGM🫀

قبل تشخصون أنفسكم بالاكتئاب أو تشتت انتباه أو ADHD أو أو أو صلحوا الأساسيات أدري الموضوع صعب، أي جدا صعب أن الإنسان يساعد نفسه وهو في عز ضعفه لكن حاولوا مرة ومرتين و٣، و ٤ الموضوع يتطلب جهاد لكن والله النتيجة مستاهلة، اهم شيء اصدقوا النية في التغيير واسألوا الله العون اللي مايعرفه كثيرين ان الصحة النفسية عشان تكون متزنة ترى تحتاج روتين يومي (((يومي))) يعني زي ما عندك روتين لبشرتك وشعرك، لاززززم فيه لصحتك النفسية وإلا راح تدمر مع الإهمال، لأن الحياة ترى مو سهلة والناس اللي فيها كائنات ماترحم إلا ما رحم الله، ومع الإهمال المستمر راح توصل الحالة لأنك لا سمح الله لازم تدخل علاجي. أساسيات زي ايش؟

تصالحي مع شعور الجهل او الغباء .. تعدى الدراسة وصار عقلية وشيء لايتجزأ مني بعد ماشفت عظم أثره الحقيقي لأن المشكلة اللي كلنا نطيح فيها بعد نص العشرينات وما فوق هي اننا نعتقد اننا ( نعرف كل شيء) قرأنا كتب مرينا بتجارب فخلااص يبدأ يكبر الايقو وفجأة نحس اننا واااااو فاهمين بكككل امور الحياة نفهم في الدين وفي العلاقات وفي الطبيعة وفي السياسة ووو الخ وندعي المعرفة في كل شيء و هذا الادعاء المستمر يسبب ضمور فعلي للدماغ كل مرة تدعي فيها انك تعرف، يصغر عقلك أكثر وأكثر لين ماينحصر في قوالب فكرية ضيقة جدددا جدددا ويصير العالم من حولك كئيب ممل لانك ماشاء الله "تعرف كل شيء" تخيل معي.. وأنت طفل، كيف كانت الحياة ممتعة؟ ترى كانت ممتعة مو لأنك (صغير) بل لأن عقلك كان مفتوح على مصراعيه للحياة كنت تكتشف العالم بكلل فضول وحماس بينما الآن ؟ واصلين لمرحلة لو تسأل شخص عن اسم دولة اخترعتها من عقلك يفتي لك فيها وممكن حتى يقولك انه زارها ادعاء للمعرفة بشكل مقزز ويجيب الغثيان والاشمئزاز (( بالنسبة لي، العالم اللي اعرف كل شيء فيه…عاالم يععع عالم ماابغى اعيش فيه )) عشان كذا انا قررت اعيش بعقلية ما أعرف شيء وصرت والله احبب احب اقول ( لا أعلم) حتى بعض الامور اللي فاهمتها اذا جاتني فرصة احد يفهمني اياها من جديد والله اني افرح و اقول "يمكن في شيء مااعرفه " انا فعليا ما أعرف كيف شكل الكون ما أعرف شيء عن الشمس ولا الطيور ولا النباتات ياشيخ انا نفسي لسه مااعرفها زين حقيقي، تحرر من شعور (أنك فهيم زمانك) وارجع لشعور الفضول. اترك العالم يدهشك من جديد

ماتتخيلون لاي حد انا مبسوطه وفرحانه .. عشان بكره سبت! 💓💓💓💓 ما عندي اي شيء خاص، ولا راح اسوي ولا شيء زيادة.. فقط روتيني المعتاد! سبب كل هالفرحة… لان لي فترة يصادف يكون عندي تجارب، والسبت يضيع مني. ف انا مرررة مرررة مشتاقة لروتين يوم السبت كل سبت لما اصحى الفجريات واتأمل الشروق اكون ممتنة ممتنة ممتنة لآخر حد. مهما كان وراي شغل او مهام لازم اخلصها، الا ان فجريات السبت هذي تعبيني طاقة وتشحني لاسبوع كامل بدون مبالغة

لو تلاحظون.. دايماً أقولكم المذاكرة أو الشغل لساعات ((قليلة)) في اليوم تكون جداً فعالة، وممكن توصلك مو بس لنتائج عادية، ممكن توصلك لنتائج مبهرة. لكن داااايماً أوصي إنها تكون مستمرة (وألف خط على مستمرة). يعني من ساعة لـ ٣ ساعات (بالكثير ٤ إذا كنت طالب طب) ٥ أيام بالأسبوع كافية جداً.. طبعاً كل إنسان وتخصصه < شوفوا كتبت ٥ ايام طيب ليش الاستمرار في الدراسة حتى لو نص ساعة كل يوم خير من إنك تجمعها كلها قبل الاختبار؟ يعني لو ذاكرت نص ساعة كل يوم لمدة أسبوعين، خير بألف مرة من إنك تذاكر ٤٠ ساعة قبل الاختبار بكم يوم! ليش؟ لأن في الدماغ في عملية اسمها الـ Neuroplasticity يعني دماغك يحتاج وقت ونوم عشان يرسخ المعلومات بعقلك وعشان يربطها ببعض وعشان فعلياً تكون جزء من طريقة تفكيرك، فتجي الاختبار وأنت واثق ومو بس كذا.. المذاكرة القصيرة المستمرة فوائدها تتعدى مجرد الاختبار. يعني تلقون اشخاص يجيبون درجات عالية في القدرات، والتحصيلي، او الاختبارات الوظيفية أو يكونون شطار في المقابلات الشخصية ويجاوبون.. وتلاحظون بهالاشخاص مثقفين في تخصصهم بشكل واضح ليش؟ لأن المعلومات منسوخة في أدمغتهم! بعكس الطلاب اللي ذاكروا كل شيء قبل الاختبار؛ يحفظون المعلومات بشكل مؤقت وكلها تطير بعد الاختبار، وتلقى الشخص متخرج وهو معلوماته صفر في تخصصه. لأن ادمغتهم ماقامت بخلق روابط عصبية جديدة فكل مذاكرتهم كانت ( مؤقتة) الحين في ناس بيطلعون لي يقولون: (مالنا خلق نفتح المواد كل يوم) أقولهم لو نص ساعة أول ما تصحى والله كفاية! يا شيخ في البداية بس اقرأ العناوين، واسمح لعقلك يربط المواضيع وخذ العادة إنك تقرأ المواد كل يوم،، وشكرا لك ومع الوقت بيصير الموضوع تلقائي، وبتلاحظ عقلك يحفظ ويستوعب أسرع، لأنك قاعد تبني روابط جديدة بمخك كل يوم بأقل جهد منك والله إن هالعادة البسيطة قد تغير مجرى حياة الإنسان.. وأنا قد كلامي وواثقة بكل شيء أكتبه

ماادري مين ممكن يحتاج يسمع هالكلام اليوم… لكن بقول لكم شيء من قلبي من فترة جونا ٣ طلاب دكتوراة جدد. وفي اغلب الامور، ينطلب منهم يرجعون لي. في كل مرة يسالوني عن حاجة، يقولون: ( معليش بس المشرفة الفلانية قالت لنا نرجع لك) وفي كل مرة افهمهم شيء او اشرح لهم بروتكول واشوف نظرات الانبهار واسمع ثناء زي: "واو تبانين فاهمة وكل شي عندك مرتب" والله اني اضحك بيني وبين نفسي من الاستغراب لأن أنا قبل سنة و ٩ شهور بالضبط، كنت احس اني اغبى انسانة بالمعمل عفوا بالعالم 😂 وكنت مليااانة غضب وسخط من نفسي. كنت مو بس صفر، والله تحت الصفر ليش تحت صفر؟ لأن حتى اساسيات مثل تحضير المحاليل، حساب التراكيز، عمل التخافيف وتحويل الوحدات ما كنت اعرفها وكان يجيني شك يومي ان هذا المكان مو مكاني اصلاً اللي خلاني اليوم اصير مرجع لطلاب الدكتوراة، يخلي اي شخص يوصل للي يبغاه لو تحس نفسك اليوم صفر! او تحس انك مو كفو المكان اللي انت فيه! اوصيك من اعماق قلبي لااااااا تيأس فقط خلييييك صبور على نفسك و اشتغل باستمرار، لو بس من ساعة لـ ٣ ساعات، ٥ ايام بالاسبوع ( اعيد وازيد هذه المدة من الدراسة/العمل بتركيز عالي فوووق كفاية) اوعدك، ما راح تمر السنة الا وانت مو بس فاهم انت من الافضلية الاستمرارية تصنع العجائب، فقط خليك صبور وصبووور وصبوور وتصالح مع شعور الغباء وشعور انك تجاهد دماغك عشان يفهم شيء معقد وصعب عليه ادري انه شعور مرررررة يقهر لكنه فتره وينتهي تماما

في مقولة تقول «هناك فصل فيك لا يكتمل إلا بالغربة» وأنا دائما أقول: ( الاغتراب ليس مجرد اقتلاع جغرافي، بل هو تجربة تقتلع المرء من جذوره لتتيح له رؤية العالم بلا تحيز، لأن القرب الشديد يشوش الرؤية، بينما تمنح المسافة الغريب أبعاد الرؤية الكاملة ) عشان كذا، على الرغم من قسوة الغربة إلا أني موقنة تماما أن هناك جزء من روحي وعقلي لم ينضج إلا بعد الاغتراب الغربة، أعطتني قدرة هائلة على رؤية مختلف الزوايا ووجهات النظر، وقدرة صادقة وعميقة على الإحساس بالآخرين صرت احس بإي انسان خصصوصا المغترب عن وطنه احس فيه بشكل لااااايوصف صارت عيوبي واضحة لي ألف مرة عن قبل، فصرت مشغولة في نفسي، وبطلت أستشرف وأطلق أحكام على الناس حتى بيني وبين نفسي الغربة علمتني أتصالح مع نفسي، مع وحدتي.. صرت على العكس أستأنس بجلساتي مع نفسي، وماصرت أتواصل مع الآخرين لأني بس طفشانة او اتهرب بل لأن عندي رغبة صادقة في الاطمئنان واكتشاف الطرف الآخر يعني لمن ارسل لك ( كيف حالك؟) انا فعلا اكون اعنيها وهالشيء خلاني جدا انتقائية وأكثر حكمة في اختيار مين يكونون بعالمي وأنا متأكدة لو قرأت مئات الكتب وخضت كثير تجارب، مستحيل تصنع فيني ما صنعته الغربة لما أطالع في نسخاتي القديمة اصلا أستغرب إنهم كانوا مني!😅 يا الله كيف الانسان ممكن يتغير! مثير للاستغراب والانبهار.. الحمد لله ألف مرة على هذه الفرصة فهذا تذكير لاي شخص جايته فرصة اغتراب - اوعدك بقدر مارح تكون مؤلمة الا انها راح تكون اهم فصول حياتك