فـــذ

اوفا بشر لابتي واغلى ديار وطني 💛🎶

ان رضيتي تضحك الدنيا بوجهي وان زعلتي مستعد اخسر جميع الناس وابيع القضيّه

تجين وكل ماقبلك رماه الوقت للنسيان كأن الغيد عثرات الخطايا وأنتي .. التوبه

يالعفاف المهذّب والحيا والحشيمة والجمال الحقيقي والوقار المهيّب كل عينٍ ما تشبع من عيونك كريمة ما لحسنك شبيه ولا لزينك معيّب ما تهون المصايب والجروح الأليمة لين شعرك من العود المعتّق يطيّب وكل فكرة تغنّى فيك فكرة عظيمة لين راسي يشيب ولين قافي يشيّب

ياللي عيونك وساع و خدك يشع نور قلبي يحبك لو إنك لا نشدته جحد ㅤㅤ دورت فيك التواضع بس شفت الغرور اللي مخليك ما ترخي عيونك لـ أحد ㅤㅤ لا تستثير العواطف عند بعض الأمور و نهاية الآدمي حفره و طين و لحد ㅤㅤ ليتك على عيونك اللي كنها عيون حور ثلاث مرات تقرأ .. قل هو الله أحد !

مافيه احد قد ذاق لذة الانتصار ويخاف من ويش الليالي جايبه؟ غامر ترا الايام تعطيك اختبار ماهو بشرط كل طلقة صايبه يقوم حظك مع طويلين الأعمار لا طاح حظ اللي ما سد النايبه الحظ في الدنيا مثل شمس النهار تشرق عليك وعند غيرك غايبه

أحبك لو يموت الحبّ ، و تصير القلوب قبور و أنا مهما منحتك من غلاي .. أشعر بتقصيري أحبك من هنا ، حتى طلوع الفجر ، حتى النور صحيح انك قدر محتوم .. بس أجمل مقاديري

رديتني للغيا . . و لـ ماضيات السنين رجّعت عداد عمري لين زاد اشغفي

اتهرّب : كل ما اقبل علي ليلٍ مليح فيه لـ الشرقي هبايب ولـ القمرا سنا كن قلبي يسري الليل فوق بساط ريح وده يصادف دقايق من أيام الهنا ما يموت العاشق إلّا بعذل المستريح لا عجَز يشرح من العشق لذات العنا يوم ما كنّ البسيطه لها : جوٍ فسيح ويوم في عيني جبال السراوات : دْهنا ان بغيت اكفّن الحب واهديه الضريح والله أن اصبح وهو تاركٍ خلفه ضنا ما قدرت آعرف قلبي سخي ولّا شحيح من كثر ما حال دون ( المحبه ) وانثنى يا صحيح الود ما عاد في حالي صحيح ادرِك اللي مدِركه بعد فرقاك الونى ويش اداوي من جروحي وانا كلي جريح لا غفى جرحٍ هنا ، صاح جرحٍ من هنا لا توقفني ليا جيت محتاج ( المطيح ) المطيح احيان يحتاجه ( الميّت وانا )

لا تستشك بغلاااااك ولا تكثر ملاااام مافيه غيرك على عرش المحبه سسطا وان كان تبغى الصحيح اللي عليه الكلام ابك انت حبك صحيح و حب غيرك خطا

ودك لها يوخذ من الغيمه لباس فستانها ينسج من أطراف غيمه هي مستقيمه بس فيها تقواس متقوسه على شكل مستقيمه لو تلمس غصونً من الوقت يباس نبْت الورق فـ غصون كل الهشيمه اليا تقفّى مبري القد نسناس ؟ سوت من النسناس ذنب وجريمه

إنظري لـ إللي يشوفك راس ماله والله إن نظرة عيونك مستبدّه شفت ظلمك فيه نوع من العداله و شفت قسوة خاطرك مثل المودّه من تصوّر وجهك بـ يتعب خياله ومن يشوفك مانسى لو بعد مدّه مستحيل أصدق إنك من سلاله أنتي آعجوبه و أنا مُعجب بـ شدّه

" تمر وجيه واجد وأنت ثابت والسنين تدور جعل تفدا دواعي ضيقتك — ضحكي وترحابي"

تمنّيت لو عطري من الجاعد المنثور ومن خدها قوتي ومن ريقها خمري على جيدها لو ذاب سلسالها معذور أنا يوم ما أكتب فيه الأشعار وش عذري ؟ تقول أنت شاعر ؟ قلت للفاترات الحور تقول أنت عاشق ؟ قلت لـ معنّق العفري أنا و القصيد و قلبي المنهي المامور فدا ، قالت أنت اِنسان مجنون قلت أدري

"أحبك من الله ، وأحبك من زمان لا تسأل الحب ليه ، ومن متى؟ أنا أذكره كان في مثل هذا الزمان أواخر الصيف .. وبدايات الشتاء"

الوكاد اني عليك من الهيام امشي و أشبه يا حبيبي والسلام ورحمة الله و بركاته

سيرة الحب الاصدق والسنين الطوال مابقى لون في صفحاتها ما بهت اذكر ان العيون اللي ترجى الوصال وْلهت والتهت بالياس منك و لهت تدري اني معك صادق على كل حال لازم تصدق انك مرحلة .. وانتهت

ودي أكمّل معك حتى الحياة البرزخية وين تلقى عاشقٍ يبغاك حتى في مماته ؟ من يشوفك يدري إن الموت حاجة عايديه كل ليلة في طوارف مبسمك يعلن وفاته هات فنجال الهوى بإيدك وحطه في يديّه لو تصبّ الموت في فنجال حبّك قلت هاته

ارسل رساله فاضيه وانا افترض أنك كتبت اشياء منك احتاجها

نديمة الذاكرة ليل الموادع ثقيل اثقل من انفاسي اللي ماقدر اردّها كنتي من المُمكن و صرتي من المستحيل وانا من المستحيل احلامي آهدها ماباقي الا اتغنّى فيك واشفي غليل و اواجه ايادي النسيان واضدها يكفيني اني من عيونك طلعت بحصيل فرايد تذكّر الناسي ليا عدها بعدْك اذوق المراره كنها سلسبيل ماعاد اميّز رخى الايام من شدها تقول صوت الصقيل اشبه بصوت الهديل مدري ، لكنّ المشاعر واصله حدّها ارديتي القلب من حِدّة عيونك قتيل عيونك الناعسه بالله مَن حدها ؟ تشهد لنا ذيك الآماكن يايوم الرحيل مواطن الذكريات ، الدمع في خدها لا جيت بمرها مْن الشوق عابر سبيل صوت الجمادات لا ناحت من يْردها ؟ انا ليا قام يطرقني ، هواك العليل قمت اتذرّى عن الانسام واصدها اخاف لا اذوب بالانسام في ظرف ليل وتسلبني اللهفه مْن إيّاي في يدها بكره ليا مرّك شعوري و دمعك يسيل قولي للابيات يوم اذكرك ، من قدها ؟

أدف روحي للجلافه خايف من الانجراف وعودت أصايد مابخاطرها وأصايد مودها .