Eilo milo

عايز واحدة بتاعت قايمة هتلاقى، عايز واحدة مش بتاعت قايمة هتلاقى عايز واحدة محجبة هتلاقى، عايز واحدة من غير حجاب هتلاقى عايز ربة منزل هتلاقى، عايزة امرأة عاملة هتلاقى. عايز واحدة تشارك معاك فى مصروف البيت هتلاقى، عايزة واحد مؤمن ان كل واحدة لها ذمة مالية خاصة و هو ملزم بمصاريف البيت هتلاقى! انتوا يا جماعة اللى ماشيين بمبدأ متخلف عايزين تفصلوا الناس على مزاجكم و تاخد الحلو من هنا على الحلو من هناك و تعملوا فرنكشاتين و كأننا بنلعب! بتاخدوا اللى هتختاروه package على بعضه او بعضها يا تسيبوا الناس فى حالها. الناس بتتغير تحت ظروف معينة يعنى المودة و المحبة و الرحمة قادرة تنقل الناس من اى جنب فيهم للجنب التانى، يعنى الثقة شئ بيتبنى مش بيكتسب يعنى لو شريك حياتك وثق فيك هيديك عينه من غير ما تطلب و ده عايز وقت بالتعريف و ظروف تمروا بها استثمروا فى علاقتكم احسن من الخناق و وجع القلب ده!