Georges Juvelekian, MD

وضعنا اليوم مبين عاطل بس نحنا عنا اقوى ورقة بوجّ همجية اسرائيل و هي بإيد الجيش و هي حماية السلم الأهلي و منع مشروع الحرب الاهلية. فإذا رحنا عالمفاوضات هني و الشباب عم بيدافعو بالجنوب و الجيش حمى الداخل، اسرائيل خسرانة حتماً الله يقويك جنرال هيكل و تحمي لبنان @lebarmygov

من هيك صلبوه من ٢٠٠٠ سنة!

اسرائيل مأزومة و مش قادرة تنتصر إلا بطريقتين: حرب اهلية (في لبنانية عم يشتغلولن بنية طيبة او لا) او يبعتو الجولاني. إذا نحنا اتّحدنا ما فيون علينا. الاجتياح البري مقبرتن لأنن جبانات و مش ولاد الأرض. يا ريت شي مرة بتاريخنا منطبق "متل أنا و خيي عابن عمي و أنا و ابن عمي عالغريب"

youtu.be/EzTNnYHtcXY?si=BCE2… مقابلتي اليوم عال OTV. مش لازم يقطعو ٥ سنين تانيين هيك!…

خمس سنين على ٤ اب و بعدنا محلنا. مش هيدا اللي قاهرني. ولا اسرائيل و وحشيتا. اللي قاهرني و مخليني مش متأمل ببكرا افضل هو انو منظومة الفساد و المحاصصة و غياب المحاسبة الفعلية اللي وصلونا ل٤ آب بعدن بألف خير! الله ياخد حق اللي راحو لأن ما حدا تاني شكلو رح ينصفن.

مليون و ميتين ألف نازح احتضنتن مجتمعات المفروض "ما بتشبهن" بطريقة راقية و رائعة ما إلا مثيل بالعالم. هيدا اللي لازم الإعلام يضوي و نحنا نبني عليه و نقعد سواً نعمل بلد قانون و مؤسسات لكل ابناؤه. بلد نحنا نقرر مين يحكمو مش ننطر ضو اخضر و دخان ابيض من اي ميلة. كل الباقي محكوم بالفشل

عم شوف و اقرا تحليلات و تقديرات مين جايي رئيس بين اللي بدن ياه الامركان أو الخماسية أو المملكة أو… أو… ما حدا منا عم يطالب ويسأل عن مواصفات الرئيس و شو خارطة الطريق اللي محضرا لمشروع لبناء دولة! ومنتعجب بعدين ليش ما عنا دولة قانون و مؤسسات و محاسبة! للأسف…. شكلنا ما تعلمنا شي

٤ سنين بعد ٤ آب و بعد لا في قرار ظني و لا حكم و لا محاسبة! مش المشكل بالقضاء ولا بالطبقة الحاكمة. المشكل فينا نحنا الشعب اللي سكت عن تدمير عاصمتو و سرقة جنى عمرو و بعدو عم بيدافع عن المنظومة اللي متجذرة بكل القطاعات و عراسن الإكليروس. يا منغير واقعنا يا محكومين نضل نعيد تاريخنا

قتل و ذبح اكثر من ٣٣٠٠٠ فلسطيني على ٦ اشهر قصة فيا بحث. اما قتل شهدا المطبخ العالمي ال٧، فقوّم الدني و ما قعّدا. المطالبين بمحاسبة اسرائيل كترو الحمدلله بس أنا مش عارف إذا لازم افرح او ازعل. تذكرت جون بولتون بحرب تموز. شكلا حقوق الانسان مرتبطة بجنسيتو. شو رديء هالزمن #Hypocrites

I am honored to announce that I am now a faculty member at @AUBMC_Official with clinics at @KMC-Ghazir & the main campus- Hamra. Rejoining my Alma Mater while continuing to serve my patients is a major milestone in my journey. Thrilled to be home! #NewBeginnings #healthcare

منيح يلّي مش عم يستهدفو المستشفيات ولا الجسم الطبي!!! متخيلين لو غير هيك شو كانت "الدولة الديمقراطية الوحيدة بالمنطقة" عملت؟!… الرحمة للشهداء الابطال 🙏😞هيدا اسما اشكال الشهادة.

كطبيب، مش مستوعب كيف جمعيات الطب بالغرب "المتحضر" ما حرّكت ساكن بعدما شافت مرضى عم يموتو بسبب استكمال إسرائيل مجزرتا بعدم ادخال الوقود و العلاج! وين قَسَم الطبيب بعلاج كل انسان بمعزل عن اي اعتبارات؟ كيف طبيب بيسكت على اعدام مرضى بدم بارد؟شريعة الغاب اشرف بدرجات من اللي عم بيصير!

الحرب وسخة و لكن بأوسخ الحروب ما تخيلت انه ينعطى انذار لاخلاء مستشفى ساعتين قبل ما ينقصف. مش مستغرب من عدو بهالوساخة. المستهجن هو صمت و تواطؤ و كذب من يرفع لواء حقوق الانسان و القانون الدولي. خلاصة: من #ارتساخ الى #غزة منطق القوة و المصلحة هو الطاغي. للاسف ما بيكفي يكون الحق معك.

وحدا المعالجة الصحيحة كفيلة تضمّد جرح ٤ اب. مسؤوليتنا كلنا نطلب #المحاسبة مش بس المتضررين من انفجار #مرفأ_بيروت لأنه #الفساد و الافلات من العقاب رح يضل يتسبب بكوارث المواطنة هي اللي بتطلعنا من انانيتنا لنبني وطن قادر يحمينا youtu.be/BR0cJxlc0R0 #العدالة_لضحايا_٤_اب

مأساة #٤_آب عم تكبر لإنّو تأقلمنا مع "الحادثة"و صارت "ذكرى" كنت مقتنع انو لمرة بتاريخنا ما بتقطع هيك جريمة من دون #محاسبة و لكن للاسف الحقيقة مش رح تظهر لأنّا بتكشف #المنظومة بالمرفأ و تواطؤ معظم الاطراف بالفساد. وحدو الضغط عالكل وخاصة القضاء كفيل باظهار #الحقيقة والا كارثة جديدة

كونو تحول النقاش من "كيف منحارب #الفساد و #نحاسب اللي نهب جنى عمرنا" لمرشح مدعوم "مسيحياً" vs مرشح مدعوم "شيعياً" بغضّ النظر عن تاريخن ومن دون اي ذكر لكيفية بناء #دولة_قانون و مؤسسات بيعني انو #المنظومة بخير، و عم ترتب حالا و تاريخنا رح يعيد نفسو و بتبقى الطائفية افضل غطاء للفساد

من كم يوم قلت "و يبقى الجهل اكبر وباء و الاصعب للعلاج". بس بعد اللي صار اليوم بالقضاء، حاسس واجبي اعتذر و صحح. "و يبقى الفساد اكبر وباء يصيب لبنان والاصعب للعلاج" لأن اللي مفروض يحاربو هنّي فاسدين ولانّا بعدنا كشعب عم نحميهن على حساب تعبنا و جنى عمرنا! كما نكون، "يُحكم" علينا!

اتضح انو عدم تقديم الساعة رح يخلق مشاكل تقنية كتيرة بس المخيف و المستفز الي انا عالقليلة هو طريقة اخد القرار: خفة و لامبالاة و مسخرة وجهل بالتبعات حتى ما قول اكتر، من تنين بيمثلو اعلى سلطة بالبلد و عم يتصرفو فيه كأنو ملك خاص! وبعدنا مستغربين ليش وصلنا لهون؟ مين عنترك يا عنتر؟…

مش مهم ١٩ ولا ٥٠! المهم نسبة الخامات يلي خسرا البلد، و الطاقات الشبابية يلي عم تفيد غير دول و يلي بيقهر انه كتار من يلي هاجروا ما شعروا بالانتماء بالاغتراب و بيشتاقوا كل يوم لحياتن بلبنان بالرغم من كل شي! السؤال هو: مش هيدي علّة لبنان؟ ايمتى بيبطّل تاريخنا يعيد نفسه؟كما نكون…

بعد ما "نوّروني" كل وسائل الاعلام بهاليومين، صرت: ١-اشكر ربي انو خسرت جنى عمري بالمصارف و اني انا اللي لازم يعوّض علين ٢- الدستور و القوانين "وجهة نظر" و منفسّرن و منعدّلن حسب الحاجة و عقياس اشخاص "للمصلحة العليا" أكيد ٣- يسترجي شي قاضي يرفع عليّي دعوى لفرجيه شو بعمل! كما نكون…