Difela

Nka sebetsa joang le joang, Ha ho letho le thusang; Kapa e leng dikgapha, Mahloko, mahlomola; Be se ke ke sa tlosoa, Hae se 'wena feela. Leha nka tlisa gauta Tsa lefatshe kaofela, Ha di na ho tadingoa, Ha di na ho ntopolla. Ke tla ke tshepa wena, Ke se ke ka timela. 🙌🏽🙏🏽🙌🏽

Jesu, rato la hao U mphile lona; Ke molato oa hao, Ke tla u fa’ng? Ke inea uena, Ka ‘mele le moea. Ke ntsha hanyenyane, U mpha tsohle. 🙌🏽🙏🏽🙌🏽

Ka dinako tsohle, Morena ka, Oho, o nkgopole, Ke-a rapela! Lehlaso: E, ka metsotso yohle, Jeso, ke-a o hloka; O ke o hlolohetswe; Bapa le nna! 🙏🏽🙏🏽🙏🏽

Re ka lebala joang Bitso le monate La ‘Moloki ya ratehang, Ya tlhotseng Satane? Re ka lebala joang Madi a Konyana, A tsholotsoeng sefapanong; A tsholletsoeng rona? 🙌🏽🙌🏽🙌🏽🙌🏽

A fehoa sefateng, A nyaroha hampe. Ba mo hlaba lehlakoreng Ka rumo le lebe. Empa ho fedile, Molao o phethiloe; Madi joale a lefile, Tsohle di lokile. 🙌🏽🙌🏽🙌🏽

Bonang sefapanong ‘Moloki wa batho Ho re lopolla tahlehong A ineela lefu. A shoa ke lerato Lee a re ratileng; A re jarela thohako Re lokolloe dibeng 🙌🏽🙌🏽🙌🏽

Ntate, lerato la hao le lekaakang, Le ntshithabetsa kutlo, ke le ntlhollang, Le ntletse pelo, le kgaphatsehile, Leme la ka le mpa le rarehile. Ke mang ea ka bolelang Lerato le hlollang, Rato la Modimo Le bolokang? 🙌🏽🙏🏽🙌🏽

Ha le lakatsa ho tseba Ka mo ke pholositsweng, Mamelang ha ke le jwetsa, Ke le sopisa tsela. Jesu ke 'Moloki wa ka. O nkhethetse bodulo; Kea mo rata, hob'a nthata, O 'neile bophelo. 🙌🏽🙏🏽🙌🏽

Ke tshepa modisa, Ya disang ka lesoai; Ke eena ya tla ntshedisa Ka mohau wa hae. Dira di ka ntlhoya, Ke sa ja monono; Mohope wa kgaphatseha Ke dutse ka thabo. 🙌🏽🙏🏽🙌🏽

Ke ngoana hao, bitso la hao le rokwe Moren'a ka, ke ineela wena. Ke ngoana hao, kea o rata, kea boka; Ke ngoana hao, ke ngoan'a hao! Pelong ya ka ke ne ke belaela, Ke sa kgolwe, ke lebella tsuo. Sedi la hao la ba la mpontsha tsela; Ke ngoan'a hao, ke ngoan'a hao! 🙏🏽🙌🏽🙏🏽

Ba reng ba mo sala morago, Ba itele pele, Ba se ke ba tshaba molao O thapisang ‘mele. Ba inkele sefapano Mahetleng a bona; Ba tle ba shoele dikano Tse ba leng ho tsona. 🙏🏽🙌🏽🙏🏽

O mphe Moya wa lesedi, Wa bophelo le matla; O mphe leha e le hlase, E bonese ka ho ‘na. O Jesu, Mong’a ka, O se ntebale le ‘na! 🙏🏽🙏🏽🙏🏽

Ntate, nnehe pelonolo E lakatsang tlhweko! Nnehe le moya o motjha Wa sebelebele! O rata le yona pelo, Pelo e hlomohang, O rata le ona moya, Moya o ithobang. 🙏🏽🙏🏽🙏🏽

Tlo Moea o Halalelang Moe’a ‘nete, oa cheseho, Kena dipelong tse batang Di tukisoe ka lerato O re etele, Mohloeki, Ka dineo tse ho uena O romiloe ke ‘Moloki Ho tla re abela tsona 🙏🏽🙏🏽🙏🏽

Leha nka tlisa gauta Tsa lefatshe kaofela, Ha di na ho tadingoa, Ha di na ho ntopolla. Ke tla ke tshepa wena, Ke se ke ka timela. Ke se ke tla tsamaya Eto la ho qetella; Pel'a hao ha ke fihla, O se ke wa nteleka. Wena lefika la ka, Ke tshabetse ho wena. 🙌🏽🙏🏽🙌🏽

Bokang Molimo Morena, Ikokobetseng ho ona. Mohloli wa tsohle, O bohlale o molemo, O matla, ke Ra-ho-loka. Popo emo tlotle. Tumisang Molimo Mora, Yo re bileng ra mo hlaba, Ka dibe tsa rona. Bohle bao le rekolotsoeng, Tlotlang ena ya re shwetseng, Morena wa lona. 🙌🏽 🙌🏽 🙌🏽

Na ke bo-mang mose ledibohong, Ba hlohlorang role la lebitla, Ba lesedi, ba kganya, Ba meqheka dihlohong? Bohang seema, ha ba hlaha ka kgoro, Jerusalema e mocha; Pina tsa bona tse tsoisoang ke nyakallo: Ke madi a Konyana. 🙌🏽 🙏🏽 🙌🏽

O morati ea nthatang, Ea ikentseng motsoalle Wa pelo e tshepehang, Ngoan'eso ka sebele! O Jesu, Jesu wa ka, Wena Mor'a Modimo, Ha o mpona lefeela, O nthata ke'ng hakalo? 🙌🏽🙏🏽🙌🏽

Ithuteng rato la Jesu Le mohlolo, Le theohelang ho motho A le soto. Ke le mo nyollang timelong, Le mo isa lehodimong Ho mo fihlisa bophelong Ho modimo. 🙌🏽🙏🏽🙌🏽