MAKONDA NA SAMIA WAONE UJUMBE HUU! Mwambieni Mhe. Paul Makonda kuwa Serikali zote duniani hukosolewa na watu maarufu tu. Umaarufu wa Musa ulitokana na kumkosoa Farao na serikali yake. Umaarufu wa Samueli ulitokana na kumkosoa Sauli na serikali yake. Umaarufu wa Nathan ulitokana na kumkosoa Daudi na serikali yake. Mwambieni Mhe. Makonda kuwa umaarufu wa nabii Isaya ulitokana na kumkosoa Hezekia na serikali yake. Umaarufu wa Eliya na Mikaya pia ulitokana na kumkosoa Ahabu na serikali yake. Umaarufu wa Danieli ulitokana na kuwakosoa Nebukadneza na Serikali yake na Belishaza na Serikali yake. Mwambieni Mhe. Makonda kuwa umaarufu wa Yuda wa Makabayo ulitokana na kukosoa falme za Kigiriki. Umaarufu wa Yohana Mbatizaji pia ulitokana na kumkosoa Mfalme Herode na Serikali yake. Muelewesheni Mhe. Makonda kuwa umaarufu wa watakatifu wengi wanaokumbukwa leo pia ulitokana na kuwakosoa wafalme wa Kirumi. Umaarufu wa Askofu Mkuu Oscar Romero pia ulitokana na kuikosoa Serikali ya El Salvador. Umaarufu wa Askofu Mkuu Desmond Tutu pia ulitokana na kuikosoa Serikali ya kibaguzi kule Afrika Kusini. Umaarufu wa Askofu Mkuu Janani Luwum ulitokana na kumkosoa Dikiteta Idi Amini Dada na Serikali yake. Umaarufu wa Askofu Henry Okullu ulitokana na kumkosoa Rais Moi wa Kenya na Serikali yake. Mwambieni Mhe. Makonda kuwa majukumu ya maaskofu ni kuwaonya watu. Kuwaonya na pia kuwakosoa watawala na serikali zao ndio wito mtukufu wa kila Askofu wa Kanisa la Mungu na hasa askofu wa mnyororo (Ezekieli 33:1-20). Mwambieni Mhe. Makonda kuwa akishamaliza kuusoma ujumbe huu ampelekee aliyemteua ili kusudi na yeye pia ausome. Je, nini kimekushangaza? Je, nini maoni yako? Askofu Mkuu Emmaus Bandekile Mwamakula Itunge, Dar es Salaam; 16 Oktoba 2026; Saa12:45 jioni.