❓ انتي مين ؟
💬 أنا !
قصيدة تسلسل مطلعها يمهّد لـ قو قفلتها.. #tellonym tellonym.me/close_t/answer/7…
29
انا غريق الحب .. والناجي غريق
وانا خوي الليل .. لو هو سرمدي
مطلق الرثيع اختار من جزل المعاني وقال :
اخترت من جزل المعاني مايليق
وسقت القوافي فوق قفرٍ جرهدي !
لي مده وهاجس قصيدي مايويق
ايلين طوعته على راحة .. يدي
ماعاد تنعشني سواليف الرفيق
ولا أتريح فالبساط الاحمدي !
انا غريق الحب .. والناجي غريق
وانا خوي الليل .. لو هو سرمدي
يا ام الجمال الفاتن العذب الرقيق
وام القوام المنصهر والعسجدي !
" لولا عيونك .. كان ماتهت الطريق
وما ضاعت الجرة وانا شوفي قدي "
مايجلي الكربة عن اللي مستضيق
الا شهاليل القراح القرهدي
من وجنتينك .. ياخذ النحل الرحيق
وحمر الشفايف .. مثل جمر المنقدي
وليا كشفت اللول غادٍ له بريق
كنه سنا برقٍ .. على ثغرٍ ندي
ياشبه صفراء تملك الساس العريق
من ذود ابو هابس عسى عمره مدي
من ذود بن عشوان ياعون العويق
تلج مع صوت العزاوي .. وتعدي
بين البها والحسن والساس العميق
وبين التواضع والكبر .. مالك لدي
يالفاتنه .. لي اسمٍ ووجهٍ طليق
ماماتت عزومي ولا مات جهدي !
ادحم بمتني كل شغمومٍ شهيق
واصد عن هرجة ضعيّف واجودي !
اليا زعلتي؟ بشعل الدنيا حريق
وليا رضيتي؟ قلت يانار اخمدي
101
أنا هنا ..
وان جيت مثل العالم الي يجونك
ب تجين في بال القصيد و تروحين ..
آكذّب لسانك و اصدّق عيونك
عند الهوى ياريم ما أصدق من العين
كنّ الرموش الي تصافح جفونك
سيوف ربعك في رقاب المعادين
و كنّ البياض الي تلوّن بلونك
بياض وجه الي معرّبك ب الدين
اساير ثقال الدقايق بدونك
لو ما لعقرب ساعتي معك رجلين
من ليّن عودك لو تسولف طعونك
يمكن تقول الموت وينه و انا وين
هبّت ذعاذيعك و مالت غصونك
و ملنا على موال يا ليل يا عين
لفحة جديلك لا تغشّى متونك
من عقبها ما تشرق الشمس يومين
قبل استبيح حماك و افتح حصونك
فتحت لك صدرٍ ضلوعه سلاطين
كنت الأسير الي يساير شجونك
و صرت الأمير الي خصومه موالين
قضيّتي فالشعر لا طاح دونك
قضية أعبر من قضية فلسطين
في درب غيّك لو تمادت ضعونك
مصيرك تذكّرك الايام و تجين
وان جيت مثل العالم الي يجونك
ب تجين في بال القصيد و تروحين
46
برّاقة الجيد لك سقت القصايد مهر
ما تطلبيني رضاك أنت ِ علي تامرين
لك التغلّي ولعيوني عليك السهر
ازعل على كل غالي لو علي تزعلين
ما يغري البدر طرف ٍ من سناك انبهر
عليك كبدي تسيل مْن الوله والحنين
أنت ِ من آل الندى ! ولاّ من آل الزهر !
ولاّ من الفجر وأنوار السماء تنتمين ؟
@1Soud
2
180




















