Г.Уянга манай 10 сайтын нэгдлийг "өлөнгийн цех" хаштагаар бичих болсоор хагас жил боллоо. Түүнийг дэмжсэн хэвлэлүүдээ "мэргэжлийнх" гэж тодотгосоор бас удав. Эсрэг хануудыг ингэж бүр эртнээс өрж тэсрэхэд бэлтгүүлж явсаар өнөөдрийн хоёр талаасх хэрүүлийг үүсгэв. Г.Уянгын миний талаарх дэлгэсэн 22 газар жишээ нь бүхэлдээ гүтгэлэг байв. Шүүх дээр би үүнийгээ нотолно оо. Аав ээжийн маань гэр орныг дэлгэв. Хувийн байдлаар минь олон талаар цөмөрч халдлаа. Манай багт ажиллаж байсан залууг хүртэл миний нөхөр болгов. Хамгийн хүн ёсноос холдсон; бид нэгнээ хайрлахаа байсныг гэрчилсэн кэйс нь Өнөрөөгийн уучлалыг цуцлуулах акц өрнүүлнэ гэхэд өнөөхийг нь постерлож нийтэлсэн хэвлэл байв. Яагаад ийм агуулгыг алгасчих хэмжээнд бодохоо болив бид. Шорон жаргал уу. Нэг эмэгтэй орж ирээд самрахад салбар нэгнийхээ мууд хэрээ шиг л дурлацгаав. Хэрчиж тасдаж хамт идэцгээв. Олон хүний дургүй хүргэж явснаараа би сайхан хэрчүүлэв. Үүнийг өрдөх төрийн институцууд багаа гаргалаа. Завсраар нь намайг саатуулах гэж байгаад больцгоов. Би дуугүй гөлийчхөөр араас Өнөрөө тэссэнгүй. Ингээд манай мэргэжлийнхэн гэх тодотголууд маань сайт 10 нэгдлийг Хариадаар өдөр бүр хаштаг үүсгэн доромжлуулангаа төрөөс яаж гэрээ түүдгийг нь харууллаа. Өнөрөө бол үл зогсдог дүр. Нэгнээ хориулахыг дэмжихийн эсрэг тэр элгээ барж зогссоор ирсээн. Хүн ёст ялгааг ингэж харж болно. Энэ бүх процесс салбарт дэндүү харамсалтай туслаа. Зогсоод бодож болдог ухаанаа бид зогсолтгүй нэгнээ хэрчих энерги л болгожээ. Надаас болж олон хүмүүс; эмэгтэй эрхлэгч нар элдэвлүүлж байгаад эмзэглээд баршгүй. Ээж аав минь зэрэгцээд эмнэлэг бараадсан энэ өдрүүдэд сошиалын махны машины хүрээг давтал тайлбарлаж чадахгүй тул хуулийн хүрээнд би асуудлаа шийдмээр байгаа. Зурагт: Шорон гяндангаар айлгасан эрх баригчидтай яг ижил аргаар нэгнээ матарласан хүн ёстоос тэс ангид хоёр постер хавсаргалаа. Эцэст нь сошиал хэрүүлээ үнэхээр больцгооё сэтгүүлчид ээ.