احب الأغنام والمواشي بشكل عام
احبها لأن ابوي يحبها ولا لأن نشأتي كانت بينهم ؟ولا يهمني لو اخسر فيها بالعلف و إسكان لها مأوئ
و اعتب على ابوي لأن باعها كلها و لا بقيت إلا (زرعتي) على مشارف الموت
و لو الآن عندي خيار ارجع للديره و اعيش فيها
والله الآن انتقل من مدينتي إلى ديرتي الجلفاء المهم اموت فيها
و عندي استعداد تام اترك الهندسة لأرعى حبيباتي بس تكفى يبه رجعهم لي
لو ادري ان ملامحي تبان اكبر من عمري و ان السبب خلفها ( اللي خلفها الخوف ) كان مت ولا احمل بذرة خوف منها
اما لو كانت جينات لعنتها ليل نهار بس لا
الحمدلله على وجود دين
فكرة الأديان تحمي الإنسان من الضياع ولا كيف اعرف ان الكون له خالق ولا اعرف كيف ممكن اعبده
توقعت لو دخلت الجامعة ما راح اشوف الشكليات ذي ( لكن طلع ألعن ) اقدر اقول الطبقية واضحة بيني و بين شعبتي
ماش للان خرعة ابوي موجودة فيني و كل يوم يسقيها الله يسامحه
أنا ممكن اشرح لأخوي الكبير وضعي المزري مع جسدي المشوه او عن حجم صدري او عن التشوهات اللي حاصلة فيني بس لو تنطبق السماء على الارض ما اقولها لأبوي او امي
بعيدًا عن انهم يشوفونها تفاهات بس فعلًا الحكي معاهم لا يودي ولا يجيب
احس بالشفقة على نفسي
اليوم رحت المستشفى بدري قبل الساعة ٨ على الاتفاق أنا و النيرس علشان بسرعة اخلص من الريز وجات على الوقت قلت لها " شكرًا لأنك جيتي على الوقت"
إذا في شيء ودي اكف عنه هو الشكر اللي ماله سنع