سـارهـ العتيـبي 🕊️

#حبيت_أقول أنا "أول العنقود" في قلبك غلا و انا " آخر العنقود "في ترتيبهم أمشي و دلالي شايعٍ بين الملا تسبقني الهيبة قبل .. ترحيبهم بنت العظيم اللي مقامه بـ العُلا اللي يطوّع صيدها و صعيبهم يا بوي باسمك هقوتي طيرٍ علا يمرّق على حظّ العِدا و نصيبهم مدلّلتك اللي تهزّ المْحفلا 💅🏻 و تدوس هامات الردى و تعيبهم أطغى بـ اسمك بـ الفخر و المنزلا و أقهر قلوب أهل الحسد و اصيبهم و عيون بنتك ما شكت ضيق وبلا مادااااام.. عزّك سقفها و حبيبهم 💛 #أبوي #حبيبي #سارهـ_العتيبي

#حبيت_أقول البرد مب للجو وبس .. فيه برد الخيبه و برد الجفا ، برد اليأس و الخذلان.. و لا يهون الرد البارد ، على فكره .. برد الروح أفظع و أبشع و أشنع و أقسى من برد الجسد، إذاً.. العالم يحتاج لدفء من نوع ثاني .. الحنيه دفء و الطمأنينه دفء ، و حتى جبر الخاطر دفء .. اغمروا من تحبون بدفء كلماتكم ولطفكم قبل أن تجف أرواحهم وتصدأ ثم … تقسو 💔

بدون مقدمات ..دخل ولد اخوي الصغير و طرح علي هالسؤال اللي احتار في اجابته وعلى اساس بيلقى الإجابه عند العالمه الجليله ساره : -عميمه .. القيامة ليش للحين نايمه، متى تقوم ماشبعت نوم ؟!! .. شهالسؤال الخطأ ..في الوقت الخطأ .. بالمكان الخطأ .. للمقروده الخطأ … بالله شلون انام الحين؟! 😩😣

قرأت قصيدة للبدر ويقول فيها : "جرّحي الصمت بكلام/آااااه .. لو كلمة ملام" .. يعني في عزّ يأسه وحزنه كان الكلام – حتى العتب منه – أثمن ما يُرجى 💔 ، هذا اليأس ذكرني بالمتنبي عندما قال: " برّد حشاي إن استطعت بلفظةٍ" … كان ملتاااااااع لدرجة أنه يرجو لفظة لتُطفئ لوعته .. فقط لفظه ، لفظه فقط .. تخيل !! 💔

"تتعبني الذكريات .. إن سولف : الدفتر من جرب الفقد ؟ لا تسأل عن إحساسه"

#نوفمبر الأول من نوفمبر : .. يبدو أني إلتقطت فيروس انفلونزا : أهلاً بك أيها الفيروس في جسدي، أرجو أن تقضي وقتاً ممتعا و ألّا تطيل البقاء . اللهم اجعله زكام الموسم واحدا غير مثنّى .. ومتّعنا بالشتاء في خير و عافيه .

يفتح شبابيك الغلا .. للمحبين #سارهـ

صباح الصباااحات الرقيقة الناعمه الندية الطرية المليااانه حناااااااان واماااااان #صباحات #سارهـ

أنا - مايو 😍

النوم المرتب ، التسليم من صلاة الفجر،نور الصباح ، أول رشفة موية باردة بعد ماتصحى ، انتشار ريحة القهوه ممزوج بريح البخور بالمكان ، الفطور مع ابوي والضحكه الجماعيه ، الجلسه اللي ماتلتفت فيها لجوالك ،السفر بالليل،المرور بطريق زراعي،فيلم على مقاس المزاج والمطر وريحة عطرك مع شبة النار بالملابس،رفاهية اختيار الوحده..(أشياء بسيطه تحسسني بالحياه) #صباح_الخيـر #سناباتي

#حبيت_أقول لزمت الصمت والراحة وخليت العتب واللوم على قلبٍ عرف قَدره وشاف من البشر عِبرَه أنا ما عاد يغريني غرامٍ ما وراه سلوم ولا يشكي لـ غير الله قلبٍ يرتجي جبره مسائي دلة رسلانٍ تفوح بريحة اليشموم وضوح الفجر في عيني يسيل ويمتلي حِبرَه أحب الغيم والقمرا وذكرى طيفه المحشوم يمرّ البال في ليلٍ طويلٍ ..يطلق العَبْرَه بعيدٍ ما قدرْت أقرب وأنا في غيبته مهموم عسى يحس بْغلا قلبي وعسى ما طال به صَبْرَه رحلت وْلا بقى عقب الغياب إلا سهر محموم عسى ربي يزينها ويموت الشوق في قَبْرَه #سارهـ_العتيبي #بوح_المشاعرㅤ #حديث_الصوره

حزن الفقد يحتاج إلى ترويض ، لأنه سيصبح جزءًا من كيانك.

أشوفه متابع حقيقي كسبته بجاذبية حرفي وتغريداتي 😅 وتفاعل معي ، و احسن من اللات والعزى اللي متابعيني وع السايلنت ..

غيمة جمالٍ كنها للثرى فرض تحيا الفيافي الميتة لا سقتها غارن بنات الجيل بالطول والعرض من زينها الطاغي ..وقوة ثقتها 😎 #سارهـ_العتيبي

#بالمناسبه .. مافي أحن و ألطف و أرق و أشد أمان ، من مشهد العين اللي تناظرك بحب كل ما ضحكت في جلسه ، فيها الكثير من الاشخاص يتبادلون أطراف الحديث والضحك ولكن تشعرك هذه النظرة بأن لا يوجد سواك 💛

برى البيت ومن ازعاج الناس تكون هواجيسي و أفكاري مقموعه كلياً ، ما أسمعها مطلقاً بسبب الازعاج ، مجرد أدخل البيت ألقى باستقبالي افكاري و هواجيسي وخيالاتي و مشاعري و احاسيسي والاسئله والوعي وهووووووووبا هجوم علي .. طيب طيب اصبروا أنزل عباتي و اسوي قهوتي و اجيكم .. خلاااااااص قلت بجيكم 😒

#مساء_الخير و بعد أذكار المساء .. تذكّر: " الراحة إن زادت تولّد ضعافه و الّا التعب لو زاد منسي ومخلوف"