Bee 🐝

#Malawi24 #Nkhani Momwe dzuwa linawambira lero muja, ophunzira pa sukulu ya ukachenjede ya MUBAS analibe madzi oti nkukonkha kukhosi, nanji nanji oti asambe nkhabe tayi. Vuto la kusowa kwa madzi lafika posauzana pa sukuluyi ndipo ophunzira ena atiwuza kuti akhala masiku angapo osasamba, kuchotsa khwema. Chakumadzulo kuno, ophunzira ena pasukulupa anali ali yakali yakali, ma bigiri m'manja, kudikilira galimoto ya bungwe la Blantyre Water Board yomwe anauzidwa kuti ifika chakumasana lero kudzawagairako kanusu chabe kuti mwina achotseko litsiro la masiku angapo. Koma mhuu! Mwina ifikirako mochedwa. Momwe timalemba nkhaniyi, galimotoyi inali isanafike, ena nkumati mwina inali kosaka mafuta avutawa. Masiku apitawa BWB idalengeza kuti ikhala ikukonza malo ena omwe imatapa madzi ake zomwe zasiya anthu ambiri munzindawu pausiwa wa madzi.