من الخاص 📩 الأن انا موظف قطاع خاص شركه وراتبي 4000 طيب بعد الأمر الملكي الكريم يرتفع راتبي الى 6000 ولا كيف الطريقه ووش اسوي ابلغ الشركه ولا انتظر لين السنه الجديدة واشوف وش يصير ؟

من الخاص 📩 أنا متزوج وعندي 3 بنات وراتبي 7930 زوجتي تبي تسجل البنات بمدارس أهلية بـ 41 ألف بالسنة أنا أشوف الحكومية تكفي خصوصًا إن علينا إيجار 2700 هل أضغط على نفسي عشان تعليمهم ولا اوافق بس دخلي ضعيف ؟؟

من الخاص 📩 ياخوان والله ابي شوركم انا رجل معي ماجستير MBA بمعدل عام ٤.٩٢ من ٥ ودبلوم عالي ذكاء اصطناعي معدل ٥/٥ ودبلوم عالي ادارة مشاريع معدل ٤.٨٨ من ٥ وقدرات جامعيين ٨٨ وقدرة معرفية ٩٠ وستيب ٧٧ وخبرتي ٣ سنوات تقريبا مابين مشاريع حكوميةوخاص وعندي شهادات احترافية مثل PMP, RMP, PMO-CP, ACP, CPMAI, CSPP, PMI-CP, KPI's, PL-300 راتبي ١٣٢٠٠ هل ممكن احصل راتب اعلى لو لا قدر الله ماتجدد عقدي؟ وش السواه؟ وهل وضعي مضبوط ولا مقصر ولازم اتطور اكثر؟ وهل صحيح ان اغلب الناس رواتبهم ١٥ الف وفوق؟ وبالراحه

من الخاص 📩 السلام عليكم ورحمة الله استفسار بسيط أنا في حيرة من امري أنا متخرج بكالوريوس محاسبة بمرتبة الشرف الأولى الحمد لله وبعد عندي ماجستير في المحاسبة بمرتبة الشرف الأولى وعندي شهادة أخصائي ضريبة قيمة مضافة والحمد لله مخلص أربع من مواد الزمالة اللغة عندي جيدة تقريبا وجاني عرض وظيفي في مكتب محاسبة راتب 6000 هل يعتبر الراتب قليل؟ لأن أنا ما عندي اي خبرة سابقه بعد البكالريوس مباشرة دخلت ماستر وسوكبا

من الخاص 📩 السلام عليكم أخوي توفى فجأة وخلى زوجته وأربعة أطفال وبعد العزاء بأيام جاء أخوي الثاني وقال إن الوالد كان موصيه بالبيت قبل وفاته المشكلة إن البيت هو المكان الوحيد اللي ساكنين فيه الأرملة وعيالها، وما عندنا أي ورقة تثبت الوصية أو تنفيها الحين أخوي يطالبهم يطلعون وأطفال أخوي ما عندهم مكان ثاني يروحون له هل يقدر يطلعهم من البيت بهالسهولة وكيف نثبت حقهم في التركة؟

من الخاص 📩 أخوي الكبير اشتغل مع أبوي في مؤسسة المقاولات من يوم كان عمره 19 سنة ترك دراسته وتفرغ للشغل وكان يمسك المشاريع والعمال والحسابات وأنا وبقية إخواني كملنا دراستنا وتوظفنا بعيد عن المؤسسة قبل سنة توفى أبوي الله يرحمه ولما بدأنا نحصر التركة اكتشفنا إن المؤسسة عندها معدات وسيارات ومستحقات بمبالغ كبيرة أخوي الكبير قال لنا المؤسسة هذي أنا اللي تعبت عليها طول عمري قلنا له محد ينكر تعبك لكن المؤسسة باسم أبوي وتدخل ضمن التركة قال أنا ما أبي أحرمكم من حقكم بس مو معقول أطلع مثل اللي ما اشتغل فيها يوم واحد المشكلة إن أخوي كان يستلم راتب شهري 6500 ريال من المؤسسة وهو يقول الراتب ما كان مقابل تعبه الحقيقي وإنه ضحى بفرص كثيرة عشان شغل أبوي أختي قالت له طيب إحنا وش ذنبنا إنك اخترت تشتغل مع أبوي رد عليها وقال لو ما وقفت معه كان يمكن المؤسسة قفلت من زمان بعدها قال إنه مستعد يشتري حصصنا لكن بالسعر اللي يحدده المحاسب اللي يتعامل معه رفضنا وطلبنا تقييم مستقل للمؤسسة ومن يومها وهو يقول إننا نشكك فيه بعد كل السنين اللي خدم فيها أبوي أنا أشوف إن لأخوي فضل كبير وما نقدر ننكره لكن بنفس الوقت ما يصير نخلط بين تعبه وحقوق بقية الورثة خصوصًا إن المؤسسة فيها التزامات وديون ومبالغ عند العملاء ما تحصّلت للحين الحين أخوي يهدد إنه يترك الإدارة ويخلينا نتصرف بالمؤسسة وإحنا ما عندنا خبرة بشغل المقاولات مثله أكثر شيء مضايقني إننا طول عمرنا نفتخر بنجاح أخونا واليوم صرنا مختلفين معه على نفس المشروع اللي تعب عليها كيف نقدر نعطيه حق تعبه ونحفظ حقوق الورثة بدون ما نخسر بعض

من الخاص 📩 السلام عليكم انا قدمت على وظيفة وسووا معي مقابله عن طريق الجوال وقبلوني وارسلوا لي العقد وكل حاجه قالوا وقعي ووقعت وعلى اساس ابدا عمل شهر 8 انقليزي بس سحبوا علي وارسل لهم محد يرد علي وش ممكن اسوي في هالحاله

من الخاص 📩 زوجتي قالت لي أمس عندي 210 آلاف بحسابي وأبي أشتري فيها شقة صغيرة قلت لها ليش ما نضيف عليها ونشتري بيت أكبر لنا وللعيال؟ قالت البيت اللي ساكنين فيه باسمك وأنا أبي يكون عندي شيء باسمي قلت لها يعني ما تحسين إن بيتنا بيتك؟ قالت لا تفهمني غلط بس أنا موظفة من 12 سنة وكل فلوسي راحت على مصاريف وأشياء ما بقي منها شيء الحقيقة إن كلامها ضايقني بالبداية أنا راتبي 13600 وعلي تمويل عقاري وقسط سيارة ومصاريف ثلاثة أطفال وهي راتبها 8900 وتشارك أحيانًا بمصاريف البيت لكن ما عمرها كانت ملزمة بشيء قلت لها الشقة بتحتاج تأثيث وصيانة وممكن ما تتأجر بسرعة قالت حتى لو ما جابت دخل ممتاز يكفيني إن عندي عقار باسمي الغريب إني طول عمري أشجعها على الادخار لكن يوم قررت تستثمر مدخراتها حسيت إنها تخطط لمستقبل منفصل عني هي تقول إن امتلاكها شيء خاص ما يعني إنها ما تثق فيني وأنا للحين أحاول أفهم ليش الموضوع مأثر علي لهالدرجة هل طبيعي الزوجة تفكر تأمن نفسها بعقار مستقل حتى لو زوجها مو مقصر معها بس الحياه الزوجيه مشاركه مو كذا كل شخص يفكر لحاله !!

من الخاص 📩 معلم وراتبي 21950 حمدلله الخدمه بكمل 33 سنه بعد 9 شهور وعمري 59 بتقاعد على 60 انهاء الخدمه كم يعطوني ؟ كم يكون راتب التقاعد ؟