من الخاص 💰 انا عسكري عمري 51 سنه وخدمتي 30 سنه وما باقي شي على تقاعدي راتبي مع البدلات 18300 ريال والاساسي 10200 ريال ودي اعرف كم بينزل لي راتب تقاعدي بالشهر وكم استلم حقوق نهاية الخدمه اللي تقاعد قريب من العسكريه او يعرف بالحسبه ياليت يفيدني كم تقريبا بيجيني راتب وحقوق على خدمتي هذي

من الخاص💰 انا معلم وراتبي 12500 ريال حصلت عماره فيها 8 شقق وموقعها ممتاز وكلها مأجره صاحبها طالب فيها مليون و500 الف دخلها من الايجارات بالسنه 132 الف يعني تقريبا 11 الف بالشهر افكر اخذ عليها تمويل عقاري ويكون قسط البنك من دخل الايجارات وما احتاج ادفع من راتبي بس متخوف من المستأجرين لو طلعوا او تأخروا بالسداد واتورط بالاقساط وش رايكم ادخل فيها ولا ابعد عنها؟ واللي عنده عماره مأجرها هل فعلا الايجارات تغطي الاقساط والمصاريف؟

من الخاص 💰 معروض علي مطعم سحابي شباك (بيتزا ) صاحبه يبي يبيعه ب 190 الف يقول مبيعاته باليوم من 2500 الى 3500 ريال الايجار السنوي 48 الف رواتب العمال 9 الاف بالشهر المطعم شغال وله زباينه وصاحبه يقول يصفى له بالشهر فوق 20 الف تقريبا انا ما قد دخلت بمجال المطاعم وخايف اشتريه واتوهق خصوصا ان المبلغ اغلب تحويشة عمري هل تشوفون سعره مناسب على مبيعاته هذي وكم المفروض يكون صافي ربحه بالشهر؟ واللي عنده مطعم بيتزا شباك ياليت يفيدني

من الخاص💰 السلام عليكم انا عسكري خدمتي 22 سنة راتبي 17,400 وتقاعدي قريب كم بيكون راتبي بعد التقاعد للعلم الاساسي 10,095 ؟

من الخاص💰 انا محتضنه بنت مجهولة الابوين طبعا تم ارضاعها من اختي ومن اخت زوجي والان عمرها 15 سنه ، الدوله تعطيها كل شهر 3000 وانا طول هذا الوقت اجمع فلوسها وم اصرف منه الا للضروره القصوى وكل مصاريفها واغراضها من فلوس ابوها المحتضن الان جمعت لها 250 الف ايش اسوي فيها ابغى ازيدها لان ناويه اشتري لها شقه او ارض لها بحيث يكون حمايه فالمستقبل ان شاء الله م ابغاها تحتاج لاحد

من الخاص💰 السلام عليكم امي عندها مبلغ ٣٠٠ الف تقريباً وعندها تقاعد ابوها يمشي ٢٥٠٠ لانها مطلقه. ساكنه في بيتنا في احد القرى والمحافظات. وودها بيت فالرياض بحكم اغلب اخواني تزوجو و سكنوا هناك وهي بتصير وحيده تبي تصير جنبهم. هل ٣٠٠الف مع ١٥٠ حقة دعم سكني مع تمويل تقاعد ابوها ممكن تجيب لها بيت نوعاً ما شرح لو في جنوب الرياض . ؟ ووين ممكن تحصل . او انها تحطها في شي تستثمر فيه خلال هالسنتين افضل من ما تحطها في بيت؟