یہ جو تصاویرمیں پوسٹ کر رہا ہوں، یہ میرے لیے Badge of honor "اعزاز کا تمغہ"ہے۔ یہ وہ تصاویر ہے جو میں نے دبئی UAE سے ڈیپورٹ deport ہونے کے بعد ایئرپورٹ پر اور جہاز میں لی تھی۔ سولہ سترہ سال دبئی میں گزارے، اپنا بزنس کیا، کبھی قانون کے خلاف نہیں گیا، لیکن پھر بھی صرف اپنے عقیدے کی وجہ سے مجھے اور کئی دوسرے لوگوں کو بغیر کسی وجہ کے ڈیپورٹ کر دیا گیا۔اگر کسی نے کچھ غلط کیا ہے تو قانون کے مطابق اُس پر قانونی کارروائی ہونی چاہیے نہ کہ اس طرح ڈیپورٹ کیا جانا چاہیے۔ جہاز میں پانچ چھ اور افراد تھے جن کا تعلق اہل سنت برادری سے تھا، اور جن کے نام علی حسین تھے یا جو مجالس میں شرکت کرتے تھے۔ ایک مسلمان ملک میں مسلمانوں کو اس طرح نکالنا بالکل غیر مناسب ہے، اور یہ سلسلہ ابھی بھی جاری ہے۔ گورنمنٹ آف پاکستان کو اس معاملے پر بات چیت کر کے حل نکالنا چاہیے، کیونکہ یہ جو لوگ وہاں جاتے ہیں، وہ یو اے ای کو اپنے گھر کی طرح سمجھتے ہیں۔ اس طرح کا سلوک نہیں ہونا چاہیے۔ میرا تعلق گلگت بلتستان سے ہے، جہاں کی خوبصورت ویلیوز کی تصاویر بھی بہت ہیں۔ دبئی میں پندرہ سولہ سال گزارے اور وہاں بہترین تصاویر بنائیں، جاپان بھی گیا اور وہاں بھی تصاویر بنائیں، لیکن یہ جو پکچر ایئرپورٹ اور جہاز والی ہے، جب میں ڈیپورٹ ہو رہا تھا، یہ میری زندگی کا سب سے خوبصورت پکچر ہے۔