Улс төрчид бүхий л цаг үед хуваагдсаар ирсэн. Хоорондоо хулгай луйврын хэргээ наймаалцаж, авлига албан тушаалын мөнгөө булаацалдсаар өнөөдрийг хүрлээ. Өөрчлөгдөх шинж ер алга. Эд үхээд ч юу ч өөрчлөгдөхгүй байх. Ар араасаа дагуулууд нь яг эдэн шигээ өлөн мангасууд болж гарч ирсээр. Яана даа. Хамгийн гутамшигтай нь үе залгамжилдаг эзэн хаант улсад амьдарч байгаа аятай эд нарын үр хүүхэд, хүргэн бэрүүд л биднийг удирдах тавилантай тийм системийг угсарч бий болгожээ! Маш аюултай даа‼️ Даанч ойлгохгүй энүүхэн эндээ УБын жалгандаа эд нарын шидэж өгсөн тоглоомоор л хоорондоо алалцсаар... Гоё лдоо ххаха

Хаанаасаа ийм галзуу солиотой амьтдыг гаргаж ирээд парламентын засаглалынхаа өөдөөс турхираад УИХ тар гээд хэлүүлээд сууцгааж байдаг юм!!! Галзуу лайвчид, тэмцэгчдийн дүрээ тодруулж дуусах болоогүй юу! Ар араасаа арзганалдаад л гараад ирэхийн!!!

Давхар дээлтэй засаг гэж хэзээ ч байж болохгүй гэж тоть шиг давтдаг байсан багш нар гишүүн болоод л шал эсрэг юм яриашшш. Зарим нь цэцийн гишүүн болоод шүүмжилдэг давхар дээлээ хамгаалаад сууж байхыг ч харлаа. Ер нь л хүмүүсийн зарчим, үзэл санаа ч гэж дээ хөөрхий шалны алчуур цаашаа

Монгол шиг улсад хэт тасархай баяжиж амьдраад дэмий дээ. Бусдын атаархлыг төрүүлж хэл амны бай болохын нэмэр. Бүгдээрээ нийлээд цаазал ал дүүжил гэж хэлж мэдэх их л муухай араншинтай атаархуу хүмүүс шүү дээ😂🤣 Хамгийн их атаархал, хорсол ойрын хүрээлэл, таньж мэддэг хүмүүсийн дунд нуугдаж байдгийг ч бүү март. Чи хальт хазгай гишгэх төдийд хэн хамгийн чанга орилж, хэн хамгийн түрүүнд чулуу нүүлгэж байгааг сайн ажигла, хэнүүсээ‼️😂 Яг одоо Монголд өөрсдөөс нь илүү толгойгоо ажиллуулж, хөдөлмөрлөж, амжилттай яваа залуус сошиалын дүүжлүүрт орж, олон нийтийн шүүхээр шүүлгэж байна. «Машин, унаа, байр савыг нь хурааж ав», «Нүцгэлээд гудамжинд гарга» гэх мэтээр хүний хөдөлмөр, амжилтыг үзэн ядалт, хорслоор хэмжих нь хэрээс хэтэрлээ. /Мэдээж хууль бус хөрөнгө, авлига, албан тушаалын гэмт хэрэг байвал хуулийн дагуу шалгаж, хариуцлага тооцох ёстой. Гэхдээ хууль бусаар баяжсан эсэхийг нь нотлоогүй байж, хүнийг хөрөнгөтэй гэдгээр нь гэмт хэрэгтэн мэт үзэж, хөрөнгийг нь хурааж, амьдралыг нь сүйрүүлэхийг шаардах нь шударга ёс биш/. Ер нь социализмын үеийн сэтгэлгээний үлдэгдэл, түүний хор уршиг, үр дагавар ч аймаар юм байна доо. Бүгдийг ижил түвшинд байлгах, хэн нэгэн бусдаасаа илүү амжилтад хүрвэл заавал доош нь татах гэсэн хандлага нийгмийн сэтгэлгээнд гүн шингэсэн мэт. Хүн хөдөлмөрлөж, мэдлэг чадвараа хөгжүүлж, эрсдэл үүрч, ухаанаа зарж байж хөрөнгө бүтээж болно гэдгийг ойлгохыг хүсдэггүй. Баяжсан л бол хулгайч, амжилтад хүрсэн л бол ардаа ямар нэг булхайтай гэсэн хардлагаар хандах нь хэр зохистой вэ? Монголын толгой баячууд групп компаниуд шиг байгалийн баялаг хулгайлж улсаа хорлоогүй ажил хийж, ажлынхаа хөлсийг авч яваа хүмүүсийг шууд буруутгах нь хэр зөв бэ?! Яахав; улс төрчид, эрх мэдэлтнүүдийн авлига, хулгай, шударга бус байдлыг үл тоомсорлож болохгүй лдээ. Гол нь хүний хөрөнгийг бус, хөрөнгө хэрхэн бий болсныг шалгадаг; хүнийг үзэн ядалтаар бус, баримт нотолгоо, хуулиар шүүдэг нийгэмд амьдарч байж араатнууд шиг л аашлах юм. Үнэхээр асуудал байгаа бол хууль, шүүх нь тогтоох биз. Харамсалтай нь, үзэл санааны төлөвшил дутмаг, улс төрийн соёл сул, эрх мэдэлтнүүд нь өөрсдийн ашиг сонирхлыг урьтал болгодог нийгэмд хөдөлмөрлөж, хичээж зүтгэн амжилтад хүрсэн гэдгээ тайлбарлаад ч ойлгуулахад бэрх болсныг бид харцгааж байна. Тиймээс яг өнөөдрийн Монголын нийгэмд бусдын нүдэнд өртөлгүй амьдарвал өөрт чинь төдийгүй гэр бүлд чинь өлзийтэй🫤

Нямбаатарыг Хуулийн сайд, хотын дарга байхад нь үхтэл нь хөхөж явсан намын ноход нь ээлж дараалан харааж суухыг харсан😳😂. Зөзө угаасаа нам дагасан хуцдаг нохдод өөрийн гэсэн нүүр байх биш. Ээлжлэн солигдох дарга бүртээ долигонож амьдрах олон нүүртэй амьтад шүү дээ...