AmalTaleb

استيقظت على صوت زقزقة العصافير❌ استيقظت على صوت زقزقة معدتي ✅

يتعافى المرء بحمام ماء سخنة..أصدقاءه خليهون لدق ورق

صور❤️

هو: هللو انكسايتي هي: هللو كومتمنت ايشوز اند ذاي ليڤد توكسيكلي ايڤير آفتر

What should i do with this space Go wild

رحلتي من البدايات الى البيدييات

رفقاتي المسيحية لما يبعتولي معايدة ععيد رمضان و عيد الاضحى شو بيكونوا محفظين اسمي؟أمل مسلم؟

بقولوا الحرب بتكشف معدن الناس.. مش مظبوط الحرب مش مفروض تكشف شي لأنه مش مفروض تصير.. نحن مهيأين ماكسيموم إذا دق الجرس بالمدرسة ننزل صف واحد، إذا قطعت سيارة إسعاف نوسعلها، وإذا وقعت الطيارة نظريًا نحط الماسك مش مهيأين أبدًا نترك الصوفا اللي مطبعة طيزنا، والفنجان اللي منشرب فيه قهوتنا، والفيلم اللي بدنا نكفّي، والطبخة اللي عالنار، ونأجل مشاريعنا، ونضيّق أحلامنا، ونغيّر دعواتنا، وننطر بلا ما نعرف بعد ساعة شو فيه الحرب ما بتكشف معادن الناس، الحرب بتصدم، واللي عم يعملوه الناس هو ردّات فعل على الصدمة، وممكن عند البعض يتحوّل لـ (PTSD) في ناس عالصدمة بتواجه، في ناس بتساعد، في ناس بتنهار، في ناس بتشارك، في ناس بتصطّل، في ناس بتعيش إنكار، في ناس بتكفّي روتينها، وفي ناس متلي بتتمسك بمفتاح بيت الضاحية.. خفّفوها عالناس اللي عنده كلمة حلوة يقولها، واللي عنده كلمة بشعة يقولها، ماهو ما حدا قاري حدا هالفترة

بتعرفوا لما المغتربين يقولوا إنو نحنا اللي برا منحس بالحرب أكتر… لأنو بعاد ومش قادرين نعمل شي؟ مش مظبوط…أنا كحدا ساقبت برا هالحرب، مش حاسة اكتر بقرا شو كتبت بالحرب الماضية بلمس كمية زعل ويأس بحس كأنو إيد غير إيد كتبتن. بحكي أهلي مرة بالنهار… أو وقت الإنذار. وبحط راسي عالمخدة وبغفى؛ ما بضل عم شييك تويتس افيخاي و حلل محل الضربة و حجمها واذا استهداف او غارة او رعد او دولاب كميون مش عم قلّل من مشاعر المغتربين، بس عم زيد من مشاعر العالم اللي تحت. علميًا ما بظن في جسم وعقل بشري قادر يعيش هالحالة كل سنة ونص بدي اسأل تشات ج ب ت فعليًا كلني ثقة إنو بالصيف رح نكون مولّعينها كأنو ما في شي. أنانيًا؟ ماشي حالي… وهالمرة نقيت حالي. خرائيًا..إجري بهالعيشة: بيت بالضاحية،أهل ببعلبك،وشنطة تياب شتوية لأسبوعين… وأنا عم بدّل فصول. كتابيًا… إذا وصلتوا لهون معناتها او بهمّكم شو بكتب أو إنتو جماعة الفايسبوك اللي رح يكتبولي:الشهرة غيرتك؛ ما حدا طالب رأيك؛ما ابشعك.. بكل الحالات…اكتبوا شو ما بدكن. فشّوا خلقكن. والله بيطلعلكن.

بيخطرلي اكتب و شارك و عبّر عن رأيي بالحرب والقصف و الصواريخ و النزوح و الحرامات والتعب بيخطرلي ما أوقف ساكتة و اعمل حالي عاملة قيمة لصوتي انه يبا ممكن يأثر على سير الاحداث و كتابة التاريخ بيخطرلي ضلني بحالة الانكار و انه اذا ماشفت فيديوهات و ما سمعت اخبار بحمي حالي و صحتي النفسية ببخطرلي ضل نزل محتوى كوميدي و قول العالم بدها تضحك ببخطرلي قول اللي بقلبي بس كل دقيقتين بغيّر رأيي بيخطرلي انشر ارقام اللي عم يلموا تبرعات بس ما بوثق بنصن بيخطرلي اعمل ڤيديو قوّي و شجّع وعربش و تاجر واخد زقيف بيخطرلي نام نام شي شهر شهرين سنة سنتين و فيق تكون خالصة بيخطرلي كل ما اقعد مع حدا صوته عالي اسأله بس شو قولك مطولة و اعمل حالي متابعة تحليله بيخطرلي قول للعالم انا حدكم بس انا مش حد حالي بيخطرلي ابكي بس ما اجاني من الدموع غير نشفان بيخطرلي اكتب هالمقطع و ضيّع وقت اللي قرأه لأنه حياتنا عم تضيع ما وقفت عهالدقيقة.

دعاء رمضان يا رب أبعد عنا الفايك و الوانا بي و البيك مي و حاوطنا بالريل اللي بيشبهونا يا رب 🤲

❤️❤️ #عبلة_كامل

وداعًا #هدى_شعراوي

انا بقول كان فيك تكون احسن وكان فيك تجرب انا بقول كان فيك ما تكون بعيد كان فيك تقرب المشكلة انه لما حملتني بايديك الاثنين شفت الوقعة بس قد ما عليتني عالنجوم التهيت بالعد المشكلة انه من اول ثانية شفتك عرفت حتوجعلي راسي بس المشكلة ماتوقعت هلقد سامع باللي بجيب لحاله وجعة راس؟ هاي انا كسرة ايغو ووجعة راس انا بقول كيف فيك تزبط كان فيك تمرِق كان فيك تطنش و كان فيك تروِّق انا بقول كان فيك تكون احسن وتجرب اكتر انا بقول كان فيني كون اذكى و فل ابكر