#جواهر_الشعل على اتم الاستعداد لأنتزاع
بيرق #سيف_الملك 🥇
انت لاقلت ابن عاضي رجح كل كيل
عزوةً قدمكم حتا العروش تهوي
#نير_عتيبه عبدالرحمان عبيد العضياني
المصطفق retweeted
«ناقض حباله>>
بديت باسم اللي يبدي ويعيد
ربٍّ تعالى في علاه وجلاله
يا ناس قولوا لي عن اللي يريد
يقول حقٍّ ثم ينقض حباله
قاله بمجلس والملا له شهيد
وكلٍّ حفظ منه الكلام ودلاله
ولا مضى ليلٍ عليه جديد
إلا تراجع خايفٍ من ظلاله
جاه الطمع والّا الوعيد الشديد
وباع كلمة حقّ بأرخص حواله
الحقّ سيفٍ صارمٍ من حديد
لا سلّه الفارس يكمّل نزاله
بلالٍ انجلد والصخر فوقه وحيد
يقول أحدْ أحدْ ما هزّه نكاله
وابن حنبلٍ يوم قيّدوه بالحديد
ما بدّلت محنته حرف مقاله
والسموأل اللي ذكره صار نشيد
ضحّى بضناه ولا خان العهد وخصاله
واللي يقول الحق ثم يحيد
ما عاد يُحسب في عداد الرجاله
الكلمة اللي تنقال عهدٍ أكيد
والعهد ما يُنقض ولو ضاق حاله
يا كم رجلٍ صار في قومه فريد
بكلمةٍ ما خلّفت يوم قاله
ويا كم رجلٍ ضاع ذكره طريد
لا قال حقٍّ عاد يطلب زواله
واختم صلاتي عالنبي الرشيد
عدّ الهبايب والنجوم والرماله






