السلام علیکم ورحمت اللہ وبرکاتہ #خاتم_الرسلﷺ سرورِ کائنات، ہادیِ اعظم ﷺ کی بارگاہِ اقدس میں درود شریف کا نذرانہ پیش کرنا روح کی تسکین اور بہترین عبادت ہے۔ زندگی کا ہر لمحہ گریزاں ہے، لیکن وہ گھڑی لافانی ہو جاتی ہے جو آقا کریم ﷺ کے ذکرِ پاک اور ثناء خوانی کے نور سے منور ہو جائے۔ اَللّٰهُمَّ صَلِّ عَلٰی مُحَمَّدٍ وَّعَلٰی اٰلِ مُحَمَّدٍ كَمَا صَلَّيْتَ عَلٰی اِبْرَاهِيْمَ وَعَلٰی اٰلِ اِبْرَاهِيْمَ اِنَّكَ حَمِيْدٌ مَّجِيْدٌ۔ اَللّٰهُمّ بَارِكْ عَلٰى مُحَمَّدٍ وَّعَلٰی اٰلِ مُحَمَّدٍ كَمَا بَارَكْتَ عَلٰی اِبْرَاهِيْمَ وَعَلٰی اٰلِ اِبْرَاهِيْمَ اِنَّكَ حَمِيْدٌ مَّجِيْدٌ۔ #تشریح_القرآن سورہ البقرہ آیت 113 ترجمہ اور یہودی کہتے ہیں کہ عیسائیوں کے مذہب کی کوئی بنیاد نہیں ، اور عیسائی کہتے ہیں کہ یہودیوں کے مذہب کی کوئی بنیاد نہیں ، حالانکہ یہ سب آسمانی کتاب پڑھتے ہیں ۔ اسی طرح وہ مشرکین جن کے پاس کوئی آسمانی علم ہی سرے سے نہیں ہے ، انہوں نے بھی ان اہل کتاب کی جیسی باتیں کہنی شروع کردی ہیں چنانچہ اللہ (وحدہ لاشریک) ہی قیامت کے دن ان کے درمیان ان باتوں کا فیصلہ فرمائیں گے جن میں یہ اختلاف کرتے رہے ہیں۔ آیت 114 ترجمہ اور اس شخص سے بڑا ظالم کون ہوگا جو اللہ کی مسجدوں پر اس بات کی بندش لگا دے کہ ان میں اللہ کا نام لیا جائے ، اور ان کو ویران کرنے کی کوشش کرے ایسے لوگوں کو یہ حق نہیں پہنچتا کہ وہ ان مسجدوں میں داخل ہوں مگر ڈرتے ہوئے۔ ایسے لوگوں کے لیےدنیا میں رسوائی ہے اور انہی کو آخرت میں زبردست عذاب ہوگا ۔ سورہ البقرہ آیات 113 تا 114 تشریح ان آیات میں ارشاد فرمایا گیا ہے کہ یہود و نصاریٰ ایک دوسرے کو ہدایت پر نہیں مانتے اور نہ ہی دوسرے کفار ان کو ہدایت پر مانتے ہیں مگر یہ سب اسلام دشمنی میں اکھٹے ہیں اور اللہ تعالیٰ کی واحدانیت کے پرچار کو روکنا چاہتے ہیں بیت المقدس اور خانہ کعبہ جو کہ خالص اللہ تعالیٰ کی عبادت کے لیے بنائے گئے ہیں ان میں اللہ کے ذکر کو ختم کر کے شرک کو رواج دینا چاہتے ہیں۔ ان سب کفار و مشرکین کا حساب بروز قیامت اللہ تعالیٰ خود لیں گے مذید برآں یہ حکم دیا جا ررہا ہے کہ خانہ کعبہ اور بیت المقدس پر کفار مشرکین یہود و نصاریٰ جو دین الہی کو چھوڑ کر مشرک بنے بیٹھے ہیں اور مخلوق کو رب بنائے بیٹھے ہیں ان کا کوئی حق نہیں یہ مسجدیں تو خالص اللہ کی عبادت کے لیے بنائی گئی ہیں اور انکی آبادی اسی صورت ہے کہ ان میں اللہ کا ذکرو عبادت کی جائے اور جو کوئی ان مسجدوں میں اللہ کے ذکر کرنے والوں کو روکے گا وہ ظالم ہے اور اسے دنیا میں رسوا کر دیا جائے گا اور آخرت میں درد ناک عذاب دیا جائے گا۔ وہ لوگ جو بیت المقدس کو یہود کا حق سمجھتے ہیں ان کے لیے یہ آیت واضع دلیل ہے کہ وہ جھوٹے ہیں ان کے دلائل بے بنیاد ہیں کذاب ہیں ان سے بچنا چاہیے۔ 1 #خاتم_النبیین_محمدﷺ #قافلہ_ادب