عبداللطيف ‹

مفيش في السعودية النهارده شخص أسعد من محمد العويس… لأن قصته فعلًا تنفع تتعمل مسلسل. العويس السنة اللي فاتت كان بيلعب في الدرجة التانية مع نادي العلا، ومن الطبيعي إنك كمنتخب ما تعتمدش على حارس مرمى بيلعب في الدرجة التانية. السعودية راحت جابت حراس اتنين وتلاتة، لكن ولا واحد فيهم قدر يسد المركز ده، لحد ما المنتخب اضطر يرجع لمحمد العويس، وهو بيلعب في الدرجة التانية. وفجأة… الحارس اللي كان بيلعب في الدرجة التانية راح يلعب كأس العالم، ويثبت نفسه، ويثبت كفاءته، ويأكد إنه لسه قادر على العطاء في أعلى مستوى. وبعد كأس العالم، رجع العويس للهلال من جديد، وبعدها شارك مع المنتخب في بطولة كأس الخليج، وقدم أداء بطولي ورجولي، وكان واحد من أهم أسباب تتويج السعودية بالبطولة. دي مش مجرد عودة… دي قصة تحول مش طبيعية. لما تكون طول عمرك بتحلق في السما زي النسر، وفجأة تلاقي نفسك نزلت للأرض، ويشاء القدر إنك ترجع تاني للسما… بس المرة دي أعلى، وفي طريقك للمجد. والنهارده محمد العويس في قمة مجده وعطائه، وبيثبت إنه واحد من أفضل الحراس اللي ظهروا في تاريخ السعودية مع المنتخب.