تعالوا يا ولاد نحكيلكم حكاية لطيفة تورينا مدى عمق القيم المسيحية في قلب المرشحين الجمهوريين اللي نكبنا بيهم عصر الماجا وزمن الماجا الأغبر في ولاية كنساس الامريكية في مرشح جمهوري لمجلس الشيوخ بيسعى لإعادة الانتخاب اسمه روجر مارشال الراجل ده قبل ما يبقى سيناتور، كان دكتور نساء وتوليد في تحقيق صحفي الشهر اللي فات اكتشفوا ان البيه ايام ممارسته لمهنته كطبيب، كان بيرفع قضايا على مرضاه اللي بيتأخروا عن السداد، وبيدفعهم ١٨٪ فايدة على ديونهم الطبية، ولدرجة انه مرة رفع قضية على مريضة بسبب فاتورة قيمتها ١٠٠ دولار، وتسبب في حبس اكتر من ٨٠ مريض منهم مريضة حامل في الشهر الثامن كانت بتسدد بالتقسيط لعدم قدرتها المادية المشكلة مش بس هنا المرشح الديمقراطي اللي قدامه هو قسيس انجيلي بيقود أكبر كنيسة في الولاية، وله تاريخ طويل في الخدمة الروحية والاجتماعية ولحد ٢٠٢٠ كان اصلا بيعتبر نفسه جمهوري يقوم العرص المدعي جي دي ڤانس رايح الولاية يعمل مهرجان انتخابي علشان يدعم مارشال وفي المؤتمر يطلع يكفر المرشح الديمقراطي ويشكك في ايمانه! ماشاء الله اخلاق مسيحية مسيحية يعني! لحد دلوقتي في فرصة كبيرة جدا ان ادم هاملتون الديمقراطي يعمل المفاجأة المدوية ويفوز يمقعد كانساس كديمقراطي لأول مرة من ١٠٠ سنة تقريبا، والحقيقة ده هيكون فوز مفرح جدا بالنسبالي الكوميدي اني بقرأ القصة ديه وآلجوريزم فيسبوك لعنه الله بيطلعلي بوستات المسيحوفلحوسرسج الأقباط بتوعنا اللي بيقعدوا يتغزلوا في جمال الجمهوريين ومسيحية الجمهوريين مشكلة المسيحوفلحوسرسج بتوعنا هي ان كل رؤيتهم السياسية تتبلور حول موقفهم من المثلية، بالظبط زي الاسلاموفلحوسرسج، اللي ضايفين على المثلية حكاية غزة كمان، وغزة بس، مش القضية الفلسطينية كلها كمان، ومستعدين يطربقوا الكوكب علشانها