Ali Haider

یومِ آزادی، 14 اگست کیلئے چیئرمین پاکستان تحریک انصاف عمران خان کا پہلے سے ریکارڈ شدہ خصوصی پیغام! #غلام_نہیں_آزاد_پاکستان

My name is Khan and I am not a terrorist. Moreover, the SC has pronounced me Sadiq and Ameen and I am coming after them crooks!

میں نے مودی سرکار کی جانب سے مقبوضہ جموں و کشمیر (IIOJK) کی خصوصی حیثیّت کے خاتمے کی ہمیشہ نہات شدّت اور صراحت سے مذمّت کی ہے۔ بھارت نے پوری ڈھٹائی سے بین الاقوامی قانون اور اقوامِ متحدّہ کی قراردادوں ہی سے انحراف نہیں کیا بلکہ یہ مقبوضہ جموں و کشمیر میں آبادی کے تناسب کو بدل کر چوتھے جینیوا کنونشن کے تحت ایک جنگی جرم کا مرتکب بھی ہوا ہے۔ المیہ تو یہ ہے کہ عالمی برادری کا طاقتور حصّہ انسانی حقوق کے معاملے میں امتیازی طرزِعمل اختیار کئے ہوئے ہے۔ بھارت کو انسانی حقوق کی پامالی کی میسّر چھوٹ کو عالمی طاقتوں (ممالک) کے ہاں ملنے والی قبولیت میونخ اور ہٹلر کی خوشامد سے مشابہہ ہے۔ میں اہلِ کشمیر کی جدوجہد اور اقوامِ متحدہ کی سلامتی کونسل کی قراردادوں کے ذریعے فراہم کردہ ان کے حقِ خودرادیت کی حمایت میں ہر فورم پر اپنی آواز بلند کرتا رہوں گا۔

مجھے اب یہ شمار کرنے میں بھی دِقّت کا سامنا ہے کہ عدالت کیجانب سے گرفتاریوں کی معطّلی کے بعد حکّام نے شہریار آفریدی کو کتنی مرتبہ گرفتار کیا ہے۔ پاکستان کے عوام دیکھ رہے ہیں کہ انکے نمائندوں کو محض اس لئے کہ وہ پاکستان تحریک انصاف سے ناطہ توڑنے یا میرے خلاف وعدہ معاف گواہ بننے سے انکاری ہیں، کس سطح کی بےانصافی کا نشانہ بنایا جا رہا ہے۔ عوام اس صریح ظلم و فسطائیّت کا انتخاب کے روز (بھرپور) جواب دیں گے، ان شاء اللہ

پاکستان تحریک انصاف کے اراکین اور ذمہ داران کے گھروں پر غیرقانونی چھاپوں اور توڑ پھوڑ کا سلسلہ بلا رکاوٹ جاری ہے۔ تحریک انصاف خیبرپختونخوا کے صدر علی امین گنڈا پور جنہیں پہلے بھی بغیر کسی جواز کے حراست میں لیا گیا اور ملک بھر کی جیلوں میں ایک ماہ تک قید رکھا گیا جہاں انہیں دورانِ حراست تشدد (کسٹوڈیل ٹارچر) کا نشانہ بھی بنایا گیا، کی رہائش گاہ پر پھر سے چھاپہ مارا گیا ہے۔ حکّام نے ان کے 82 سالہ ضعیف والد کو 5 گھنٹوں تک ہراساں کیا اور نہایت بےرحمی سےلوٹ مار کرتے ہوئے لاکھوں روپے مالیت کی قیمتی اشیاء اور 5 گاڑیاں ساتھ لے گئے۔ اس کے علاوہ انہوں نے جان بوجھ کر گیس لیک کی جس سے پورا گھر ایک دھماکے سے اڑ سکتا تھا۔ ان حربوں اور ہتھکنڈوں سے اہلِ پاکستان کے پایۂ استقامت میں کوئی لغزش پیدا ہوگی نہ ہی ان کے دلوں میں حقیقی آزادی کی تڑپ ماند پڑے گی البتہ یہ ریاست اور شہریوں کے مابین رشتے میں دراڑیں ڈال رہے ہیں۔ ہم اس توڑ پھوڑ کے ذمہ دار آئی جی پولیس اور ڈی سی او کیخلاف عدالتوں میں 22A کا مقدمہ دائر کریں گے۔ پولیس اور سرکاری حکّام کیلئے میرا پیغام ہے کہ حالات بہرحال ہمیشہ ایک سے نہیں رہتے چنانچہ آپ یقین رکھئیے کہ ان جرائم پر آپ کا محاسبہ کیا جائے گا۔ اور ”اوپر سے ملنے والے“ احکامات آپ اور جیل کے مابین ہرگز حائل نہ ہو سکیں گے۔

ہماری 75 سالہ تاریخ میں کبھی کسی حکومت نے محض ایک شخص اور اس کی جماعت کو اقتدار سے دور رکھنے کیلئے ہماری جمہوریت، ہماری شہری آزادیوں (سول لبرٹیز)، ہمارے مذہبی، اخلاقی اور تہذیبی اقدار کو مِلیا میٹ کرنے کی ایسی جامع اور کثیرالجہت کوششیں نہیں کیں! جبکہ اس پورے عمل کے دوران ہماری معیشت اور ریاستی اداروں کو مکمل طور پر تباہی کی بھینٹ چڑھانے کا سلسلہ جاری ہے۔ theguardian.com/world/2023/a…

آج شب سوا نو (9:15pm) بجے میرا خطاب ملاحظہ کیجئے جس میں میں خیبرپختونخوا میں دہشت گردی میں اضافے (کے اسباب و وجوہ) پر روشنی ڈالوں گا اور بیان کروں گا کہ مجرموں پر مشتمل یہ سرکار مردم شماری کی آڑ میں انتخابات سے کیسے راہِ فرار اختیار کررہی اور محض عوامِ پاکستان کو غلامی کی زنجیروں میں جکڑنے کیلئے پارلیمان سے آفیشیل سیکرٹ ایکٹ اور وائلنٹ ایکسٹریم ازم بل جیسے قوانین منظور کروا رہی ہے۔ youtube.com/@ImranKhanOffici…