محمد السلطان (@9jilq) profile picture
Joined June 2016
Photo by محمد السلطان (@9jilq)Photo by محمد السلطان (@9jilq)Photo by محمد السلطان (@9jilq)Photo by محمد السلطان (@9jilq)Photo by محمد السلطان (@9jilq)Photo by محمد السلطان (@9jilq)Photo by محمد السلطان (@9jilq)Photo by محمد السلطان (@9jilq)Photo by محمد السلطان (@9jilq)Photo by محمد السلطان (@9jilq)
محمد السلطان retweeted
الهوى اللي فيه مصياف ومرابيع ومشاتي أنتهى، ما كني بيوم أبتديته وأنتهيته رح عسى الله ياخذك من بالي ومن ذكرياتي وأعتبر كل الكلام اللي وصلني ما قريته سامحك قلبٍ شبع من خيبة الوقت المواتي لين ما جوّد عن هبوب الرياح أطناب بيته ليه ألومك..في صغر حجمك وفي كبر أمنياتي وليه أحطك في مكانٍ ما حواك ولا حويته العتب والله على صادق وفاي .. اللي سكاتي جسّرك .. لين انهدم بيدك عشمٍ حبٍ بنيته يا خسارة يا طروقٍ طوّعت لك مفرداتي يوم أدوّر في وسع عينك ذهيبٍ ما لقيته لا تفتش عن شرايد ما بقى لك في شتاتي كلها راحت مع الباب الوسيع اللي بغيته بعد ما جرّبت لذة راحتي جرّب رحاتي بالجفا، يالين تحسب قيمة الشي إن خذيته بتعرفني كان لك نفسٍ على روحك تحاتي لاغشاك الولفّ في ليلٍ من الوحشة سريته وقتها رح عاد دور وين محياي ومماتي وإلا أنا ابنساك وأنسى دربي اللي لك مشيته لا تحسب أنك مجفف نبع دجلاي وفراتي وأنت منت أول من اللي بعته ولا من شريته مال روحي عن صلوا شمس الهجير إلا عباتي ولا لقلبي عن لياليَه الطوال إلا مبيته مَحدٍ له دور في فقري ولا دور في غناتي غير راسٍ كلما يخوى على الدنيا كويته البشر هم البشر بانواعها، واللي سواتي ما معه وقتٍ يْضيّع لو عطيته ما عطيته والله أني ما كرهت انسان واحد في حياتي كل من بار وتردى في مواقيفه نسيته
11
16
1
207
15,788
غريبة كيف بأنسى ما مضى، وأسْتَدرِك اللي طاف مع إنك ثابتٍ.. في كلّ بيت، وكلّ تنهيدة!
16
5
247
14,026
أخافك كلّ ما هبَّ الهوَى.. وارتابَتْ الأشجار مثل ما أخاف لا طال الوداع؛ ألقاك مع غيْري!
25
8
292
15,410
محمد السلطان retweeted
أعرْفك والبروق تلوح.. وبيوت القصيد: جْياد أحسّ إن المطر في ديرتك والعشب في عيني!
34
6
551
42,718
لو يدري إن أيَّام صدَّي كريمة؟ ما يدري إن حتّى النفَس؛ مرتبط فيه!
19
5
238
14,745
يوم جاء وجهك صباحٍ فيه ما للضيق داعي جادت الدنيا سلام، وسافرت بالعين قرّة للسّماء قبلة عيونك، لأوَّل دروبك مساعي! لآخرك نجمٍ قديم، وفي وهَج وجهك مجرّة.. كيف أشوفك في فتور من الهوى وأنت اِندفاعي؟ شايفٍ فيك أجمل أيّامي.. ملذّات، ومسرّة.
21
4
237
13,995
ما يشبه محمَّد عواريف جِيْله هذا لحاله يأخذ العلم، ويزود. #السعودية
25
7
130
10,699
قديم الهوَى قبل أعتذر للهوى، وأزِلّ خذ الحقّ قبل يضيع مستقبِله، وأجرَه أعرْفِك وأتوْه فـْ كلّ حاجة معك، وأدلّ وأعرف الصباح العذب مِن نَسنسة فجره! يا مِلْح الشعور الصبّ، والجادل المبتلّ إليَا ضعت في غيهبْه، واحتلت مِن عطره.. لا ترتاب! لك خوْفي قصيْدة، وصوتي ظِلّ أنا أخاف قبل أحبّ، وأخاف قبل أكرَه.. وش الوِدّ لا صارَت حقوق المحبَّة: غِلّ؟ وش السرّ لا مرَّت عيون البشر.. عَبْره؟ أداريك وأركض بَين ما دقّ فيك.. وجَلّ وأنا -العالم الله- عارف إحساسي، وصبره تزلّ الدروب وكلّ حاجة «بعض من كِلّ» مشاوِير، وأحلام، وظمأ هَاجِس، وفكرة أشوفك وَطن قبل ارتحالي وأشوفك حِلّ طلبتك وش أصدق من شعوري، ومن عذره؟ عساني إليَا ملّت ظْروفي معك، ما أملّ من المبسم اللي يسرِق اليوم من بكرَه أنا يا بعد من خان عَهْد السنين، وزلّ إلى اليوم واقف تحت شبَّاكك.. أنتظره! تردَّدت وانسلّت دموعي معك وانسلّ: كلامٍ حَبْس عذر المسافات في صدره خذ -اللي تبي مما حوَته اليدين- وخلّ أنا مثل مِن يرهن لأجل حاجته عمره! أمانة يا أبو وجهٍ «يشوف المفارق حَلّ»: إذا ماقدرْت تردّ ضحكتك؟ لا تشرَه!
23
7
201
16,821
كيف أمرّك وأنت خابرني تحت شجْرَتك باقي؟ أنت بيتك -يا حبيبي- ما تَركْتِه لأجل أمرَّه!
21
6
312
34,500
تمهَّل قبل لا تَطرقك: نَفحة النسناس ورا ليلةٍ فيها التعب مسْرِج جْياده معك ما يخلي خاطري للهوى حسَّاس.. معك ما يخلِّي عاصي الخيْل.. منقاده! أحبَّك ليالي، وأختلي بك رضا، وإحساس وأعاوَد ضميرك، وأعشقه، وأعشق عناده! أبي مِن غياهب ليلتك لو قليْل نْعاس: على شان أداعب جادله، وأسرق شْداده! حبيبي ترى ما لك ورا صفحتي مقياس تغنَّيت بك.. وأثر المخاليْق نقَّادة! إذا قلبي احتالَت سنينه معك، لا باس! أنا أشوف في ضحكتك موْته، وميلاده ذبحني الجَفاف، وجِيْت لك بَيْن يَاس، وياس أعرْفِك ظمأ.. لو في طوارِفك ميراده يكفِّيني إن طالَ الزعل: طلَّة، ومجَلاس وأسوْلف لوَجهك عن غثى الوَقت، وجهاده تمادَى على صدرٍ عروْقه عليك يْبَاس.. أبي غفلةٍ بَيْن أسوَد الرمش، وسهاده! وش الجِيد لولا عقدك اللي بدون ألماس؟ عساي أنتهي له؛ كلَّ ما ذابت قلادة.. أحنَّك مثل ما أحنّ نفسي: من الوَسواس وأحبَّك محبَّة «شايبٍ لأوَّل أحفاده..» أمانتك لا تنسى اسمي إن غابوا الجلَّاس أنا طالبك -لا طوَّل غيابنا- نَاده ترى الحَلَّ لا خابَت مع الرامي الأقواس: مرور الغزال اللي على غفلته، صادَه! حبيبك لو إنه في ديار الهوَى عسَّاس يشوف الدروب اللي تودي لك؛ بلاده! وش أسوي إن زاد الحكي في عيون الناس وأنا كلّ يوم.. أحبَّك أكثر من العادة!
14
5
166
14,942
رفيق النود، والترحال، وأيَّام الرِّضا، والحِلّ ذكرتك في مصبَّ الغيم يوم استدرك الوادي.. وخذيت ضلوع صدري، وانتقيْت عن الدقاق: الجِلّ وضمَّدت الجروح! ولا عرَفتك: «ظالم وبادي» عساني كلّ ما شدّيت ركبي.. يا حبيب الكلّ أعوَّد قبل لا أكسر لك مقامي.. وأكْسِر شدادي طلبتك لا تسلَّمني حبال المشكلة والحلّ أنا رغم الوجع من ضحكتك؛ في ضحكتك غادي!
14
3
257
17,358
محمد السلطان retweeted
فداك العمر وأحداث الزمن والمشكلة والحَلّ وقلبٍ.. ما يعرْف من الغزال إلَّا تلفَّاته!
34
7
648
66,073
على باب الحياة.. أمدّ صوتي يا خَلِي البَال عسى ما تسرقك من روْض صدري كلمة الجاهل أشوفك فالنسيم، وفالشجَر، والغيْم، والأطلال مع إنك غبت لا زال المكان فـْ حضرتك آهل قديم الوِدّ.. وأيَّام الصبا والحِلَّ والترحال أعرفك مثل نظرَات الوَله في عيْن متجَاهل.. تمهَّل لا تغافلك اللّيَالي، والسنين طوال أنا للحين أغنّي في عيونك.. وأنت تستاهل!
27
6
260
21,217
حبيبي لا تناسى ضحكتي، وأيَّامي، ومسعاي وأنا حتى إليَا هبّ النسيم.. أذكر معارِيْفك!
20
5
282
19,788
على وَسْق الليَالي ما لقيت من الحقايق عِدَّ أباعد شرهتي والله عليم بـ ْشرهة أصحابي أشوْف إنّ السنين الأوَّله: بَيْن الغضب، والوِدّ مسافاتٍ.. تجدّد خطوتي، وتضيِّق رحَابي! لو إني ما تدارَكتْ المشاعر، والسهر، والجِدّ مضى عمْري وأنا أكسِّر غصوني، وأطرد أسرابي حبيبي أعرِفك.. وأنت متوزِّع بَين ضدّ وضدّ ولكني أحبَّك، وأعشق اِسمك يا أخر أحبابي أمِلّ من الديَار الموْحشة، وأنزل معك، وأشدّ عسى دارك تبرِّد خاطري.. وتداري أعصابي! أعرْفك سيفٍ -إن مرَّ الحنايا- كن ما له حدّ.. أنا أستعذّب طعونه لو يخطّ الموت فـْ كتابي.. أقول إنك سؤال أحيان، وأحيانًا أشوفك رَدّ أنا يا الله وِش جاري علي، ووش هي أسبابي؟ لو إني ما تحايل.. مثل خصرك يا رهيْف القَدّ لا زلت أشدّ لك شدّ الركاب لـْ حكمة أعرابي عشان الضحكة اللي ما لها بين الخلايق نِدّ أسوق أقصى معاذير الغلا، وأشدِّد ركابي لو إنه ما وقف بيني وبينك فـ البسيطة: حَدّ أنا اللي واقفٍ بيني وبينك: «دمعة أهدابي» أنا أولى بالهوَى، ودموع عينك، والهدب، والخدّ! مع إن العبرة (اللي في خفايا صوتك) أولى بي.. إذا إنك ما دريت عن الجروح الموْجِعة، والصدّ؟ جروحي يا حبيبي كانت أدرى فيك وأدرى بي!
17
6
215
32,245
من طلعة المِرْزم إلى غرَّة سهيل يا حلو خطوات الوِصَال السريْعة أنا لو إني واقفٍ لك على حيل؟ ما كان لي في دار جدِّك وديْعة طلّ الصباح ولا بقى فالسماء ليل وعادَت مشاوير السهَارى: طبيعة! أنا أعرْفك مثل السَّهر، والتعاليل وأدوَّر لـ ضحكة حْجاجك ذريعة ألقى لكلّ جروحك البِيض: تأوِيل وأعرف ظمأ خاطرك، وأعرف رِبيْعه لا شحَّت الفيَّة؛ رموشك مظاليل ولا ضاقت الدَّنيا؛ عيونك وسيعة.
22
5
157
15,363
عاذرك ليل.. وأنسامك قديمة عوايد والمداهيل تنشد وأنت صمتك جْبلة ما مضى لي وراك إلَّا يدين الشدايد وحاجةٍ بين شرهة خاطر، وبين خِلَّه! البدو داخلي: شدَّوا.. وعادوا فرايد وأنت يا كثر وَجهك فـ النجوم المطلَّة كلّ ما مرّ سِرب من الظباء قلت: قايد وكلَّما مال غصن من الشجَر قلت: ظِله فيك ما شدّ روحي –فيك– غير الرغايد والمشارِيه، وأطراف الحديث المقلَّة كنّي أمرّ صوتك.. وأنت صوتك طرايد لين تسكن [وَلَع] وأسرق من الوقت جِلَّه! لو تريَّثت، ما هدَّ الجبال النوايد.. ضحكةٍ تسرق من الليل: نور الأهلَّة! رِد وَجهك.. وأسخِّر لك من الأرض كايد هات عِذرك وأهيَّل لك من الصبح دَلَّه! ودّي أنسج لك من أبيات شعري قلايد ودّي ألبِّسك من نفحة الطيب: حلَّة! جِيت ما كنَّك اللي غاب -والشوق عايد!- غبت ما كنك اللي جيت –بـ الشوق كلَّه!– يوم لاحَت بروقك واستثرت الوعايد: كيف مرَّت بنا عوج السنين المخلَّة؟ طارقٍ بابك من العام «طرَق الشهايد» وأنت واقف على باب الزعل دون زلَّة معي لأجلك كثير أشياء وحقّ، وقصايد ما تبي خذه — واللي ما يناسبك خلَّه!
21
4
198
23,640
نامَتْ ورا غفلتي.. واِجتثت أحبابي والبال مَعذور، وأبيَات الشِّعر خرسى وِش يَمنع الدمْع في ضيقي، وترحابي؟ وأنت تعرِف قصة البحَّار، والمرسى! لو ما بدأ الليل ما شرَّعت له بابي وأسرَجت صوتٍ على صدر الكلام أمسى أرِقّ لك رِقَّة الضحكة.. على أصحابي لو إن قلبي من حيود الجبال أقسى! أنا رغم ما حصل لي، شحَّت أسبابي: واخترت أفارقك لكن ما قدرت أنسى.
15
5
127
14,007
لو تباعدَت المشاريه يا وَجْه الغروب ما يردّ الحقّ.. عِذر الوداع، ومغربه مرّ عمْري بَين ليل الصبابة، والهبوب والظمأ، والهمّ، وأصدق قصيدي وأعذبه اللَّيالي يوم جفَّت مداهيل القلوب: تشبه لبعض التفاصيْل عند المنتبه.. يوم أخايل بارق الوَصل، وأعوَّد، وأذوب.. في صحارَى نجد؛ كانَت ديَارك معشبَة! كيف أتوْب وكلّ ما في عيونك ما يتوب؟ كيف أصدّ وكلّ عَذبٍ فـْ صدرك مَشربه! أتردَّد والمساري — لها في كلّ صوْب شاردٍ حتَّى «عليْل النسايم» يرعبَه! أقدر أنسج لك من الرمل ومن النار: ثوب وأقدر أسكن بك «سكون العرب في قرْطبَة» بس ما لي في مسارِيْك يا الظبيّ اللعوب بيني وبين البواريد (في عينك) شِبَه قد هرَبت من الحقَايق وجَافيت الدروب غير قلبٍ والله إنّ القصايد: مَهربه! عاد يا كثر الخطايا ويا كثر الذنوب: بس أنا أبغى منك ما لا سمعته؛ وأكتبه والله إني لا تسامَت.. عن لسَان الكذوب: ودّي إن وَجهك من الماء، وأصبّه، وأشربَه!
19
8
179
20,833
على بِيْد الحقايق مرِّني يا العَاتق المنقَاد عسى ما شرّ وِش يسرق عيونك عن عناوِيني؟ أشوفك كلَّ ما ضاقت دروبي فـ البلاد بلاد.. ومواعيْد السنين.. اللي تقارب بَينك، وبيني هواي إني أحبَّك وأنت غالي، والسِّنين جهَاد أقول: إن الظمأ في غيبتك، وأثر الظمأ فيني تطيح أغلى مشاريه الهوَى، وأطرِّي المعوَاد: لو إنها ما تزَّعلني عيونك؟ كيف ترضيني! أنا لولا جروحك ما خذيت من السكوت ضْمَاد ولا مدّيت لك كف الوصال.. وذابت يديني! ما بَين أخاف صوتك وأرتمي له: بارَت الأضداد طلبتك لا تخلّي لي خيار — ولا تخليني أعرفك والبروق تلوح وبيوت القصيد جْياد أحسّ إن المطر في ديرتك والعشب في عيني أمرّك وأتردَّد بين حزنك.. والعيون سهاد وأموت من الوَله في غيبتك والشعر يحييني.. أنا يا شرهة العمر القصيَّر.. وآخر الميعاد أشوف إن العمر كلَّه معك ما عاد يكفيني!
18
7
214
23,426