مقامِ اصحابِ صفہ ، مسجد نبوی ﷺ کا نورانی گوشہ مسجد نبوی ﷺ میں باب جبرائیل کے قریب یہ اونچا تھڑا کوئی عام جگہ نہیں، یہ اسلام کی پہلی اقامت گاہ اور پہلی درسگاہ ہے۔ اصحابِ صفہ کون تھے؟ یہ وہ خوش نصیب مہاجر صحابہ تھے جن کا مدینہ میں نہ کوئی گھر تھا، نہ ذریعہ معاش۔ انہوں نے دنیا کو چھوڑ کر اپنا سب کچھ دین کے لیے وقف کر دیا تھا۔ وہ دن رات اسی صفہ پر رہتے، قرآن سیکھتے، عبادت کرتے اور ہر وقت حضور ﷺ کی صحبت سے فیضیاب ہوتے تھے۔ ان کی تعداد کبھی 70 اور کبھی 400 تک پہنچ جاتی تھی۔ اس مقام کی عظمت: 1. یہ وہی مقام ہے جہاں سرکارِ دو عالم ﷺ تہجد ادا فرمایا کرتے تھے۔ 2. یہیں سے اسلام کے عظیم محدثین اور حفاظ پیدا ہوئے، جن میں حضرت ابو ہریرہؓ، حضرت بلال حبشیؓ، حضرت ابو ذر غفاریؓ سرِ فہرست ہیں۔ 3. یہ جگہ بابِ جبرائیل کے قریب ہے، جہاں حضرت جبرائیل امین وحی لے کر نازل ہوتے تھے۔ آج بھی اس تاریخی مقام کو اونچا کر کے محفوظ رکھا گیا ہے تاکہ ہر زائر کو معلوم ہو کہ یہی وہ بابرکت چبوترہ ہے جہاں فقر میں بھی بادشاہی تھی۔