يوسف كميّخ المطيري

يا نديبي طار فكري و استرده الحكي واجد و لا جاله مجاله الزمان المر بان اليوم سده و الجمل يبقا على قو احتماله الرفيق اللي يخوّن في موده عد كسبه في حياته راس ماله ما يضد الريح لامن هبّ ضدّه غير قرم ٍ مرتكي للحمل شاله الكفو ما يذخر الفزعة و يده تسبق فعوله قبل ينطق مقاله في لزوم الضيق يقدم ما ترده الظروف القاسية تشهد فعاله الزمن يسرق من العمر مده و الذكر يبقى على البال و خياله بارق ٍ يبرق و لو زادت شّده و السحاب يسيل من جود انهماله و الردي طبعه يبيع اللي يوده فالرخا حاضر و فالضيق انعزاله نكعم العايل و ناطا فوق خده و نلطم الغاوي ليا زادت ضلاله و الغشيم اللي يقابلنا بصده ما يشرفنا رضاه ولا وصاله الخصيم نجرعه همه و نكده لين يركع معلن ٍ فينا ذلاله و الذي ينبح ورا المقفي نهده مايضر القرم فعل اهل الجهاله والعقد لو شربكت حنّا نعده بالمواضي نبتر حبال البطاله ما نهاب الموت في قربه وبعده و العمر يرخص لجل كسب الشكاله و الوفا فينا ساس ٍ نستمده ورث جدان ٍ و تتبعه السلاله - يوسف كميّخ

ضاقت عليّ الوسيعة عقب ضاق الخناق و أحس ما عاد باقي لي رفيقٍ بقا من واهج الشوق يوم إنه لفا واستساق دمعٍ تحدر على جال الشغاف و وَقا الحب ماهو بعيب لو كان فيه اتفاق العيب لا صار قلبٍ ما عرف له نقا أنا عرفت إن بعض الناس وقت الشقاق ما ينفع القرب منهم لو حكاهم رَقا نجدية الطبع بيني و بين نفسي وفاق لو فيني عيوب واجد في ضميري تقا أحتاج وقت لين أستوعب كبار الفراق بعض التفاصيل تهدم هقوة اللي هقا معنقٍ ما يليق بجيده إلا العناق لو هو لغيرك ترى ما يستحق اللقا عاتبت لين العتب قال العتب ما يُطاق واليوم ما في لساني غير ارحب و البقا شربت مرّ الصبر من عقب حلو المذاق و اليوم كفّ الموادع للمفارق سقا أكتم همومٍ تجول بخاطري بـ نغلاق و اواجه الوقت في وجهٍ ملاه الثقا بيني و بين الفرح عهدٍ قديم و وثاق مير المقادير حطّت في طريقي شقا - يوسف كميّخ