Hamdy Samir

اسطوره الزمالك 🤍🤍

لو كنا أخدنا نقطه من الحكم الضلالي بتاع ماتش الاهلي كنا جبنا تارجت الشهر الي فات كامل ان شاء الله الشهر دا يبقي فيه صعود لدور ال١٦ في كاس مصر ٣ نقطه من ماتش الجونه اول ٣ نقط في دور المجموعات ونقطه من ماتش كاس عاصمه مصر وربنا يكرم ان شاء الله

الناس افتكرتني بتكلم عن نفسي مش بتكلم بشكل عام وبدءات تديني نصايح علشان ربنا يهديني 😁فانا مسحت التويتة خالص

فوز مستحق جدا للميلان

الي عايز يعمل شركة كره ويخدم الزمالك يتعب نفسه شويه و يروح يشوف الشركات الي بستثمر في الأندية وعندها تجارب ناجحه ويعرض عليهم الاستثمار في نادي صاحب تاريخ وشعبيه كبيره في افريقيا والشرق الأوسط الي عايز يحل مشاكل الزمالك المالية والإدارية يأسس شركة معموله بشكل قانوني واحترافي تقدر تدخل فلوس من كل تفصيله تخص النادي لكن شويه وكلاء لعيبه عايزين يحطوا ايديهم علي النادي علشان يبقي برفان يتعرض فيه اللعيبه الي علي وكالتهم ويجيلهم عروض ويتباعوا بعد كدا بسعر اعلي ويكسبوا من وراهم دي كدا مش اسمها شركة كره وعايزين يبقي معاهم النسبه الحاكمه علشان محدش يقدر يعترض علي قرارتهم دي كدا مش شركة كره يا نعمل شركة كره صح يا بلاش منها القصه دي خالص ورغم كل المشاكل والمصايب الي حصلت في عهده لكن أنا أثق في زملكاوية كابتن حسين لبيب و متأكد من انه راجل نضيف ومش هيقبل ان اي حاجه مشبوه تحصل في عهده

زيزو في موسم ٢٢/٢١ كان مسجل ١٩ هدف وعامل ١٤ اسست في الدوري و في موسم ٢٣/٢٢ كان مسجل ١٣ هدف وعامل ١٣ اسست في الدوري وكان من ضمن اسباب فوز الزمالك بالدوري في الموسمين وفي موسم ٢٤/٢٣ كسب مع الزمالك الكونفدرالية والسوبر الأفريقي وكان مرشح لأحسن لاعب في أفريقيا جمهور الزمالك مكنش بيتخيل انه عنده لاعب كويس لكن جمهور كان من ضمان اسباب ان اللاعب يعمل الارقام دي كل العوامل الي اتسببت ان اللاعب يظهر بالشكل دا مع الزمالك مش موجوده أصلا في الاهلي فدي مشكلتك انت وناديك مش مشكله جمهور الزمالك

بمناسبة اجتماع مجلس الادارة النهارده والكلام الكتير علي منصب المدير التنفيذي ياريت يتم تعيين مسؤل متخصص ومعاه شهادات ودراسات في الإداره الاهلي كان معين في نفس المنصب سعد شلبي ودا راجل استاذ جامعي ومتخصص في الاداره والاستثمار والتسويق الرياضي وعين بعده خالد مرسي برضه تخصص اداره ومعاه شهادات من الفيفا والناس هناك بتدير بدل الفرع تلاته وماشيين زي الساعه لكن الزمالك الي يدوبك عنده فرع واحد مش عارف يعمل منظومه إداريه ناجحه والحورات فيه مش بتخلص بمجرد ما تدخل النادي يصعب عليك النادي ويصعب عليك نفسك لان الوضع في منتهي السوء في كل التفاصيل و متعرفش الناس دي بتروح النادي كل يوم تعمل ايه أنا في آخر اجازه كنت واخد معايا ناس صحبي علشان يعملوا عضويات جديده وندخل فلوس للنادي رحنا ملقناش استمارات عضويه دا غير الكلام الكتير عن اختفاء العهده و الخرده والبلايستيشن والحجات العجيبه دي فياريت يعني كفايه ٣ سنين من الترضيات وتوزيع المكافات علي الناس الي كانت واقفه ضد مرتضي ونشوف بقي ناس متخصصين وليهم في الاداره ويقدروا يحسنوا من شكل النادي لان لو حد من الساده اعضاء مجلس الادارة بيختار مسؤل تنفيذي لشركته مش هيبقي اختياراته بالشكل دا أبدا

استاذ احمد عويس يقدر يكتب كلمتين زي دول او تلميحات زي دي علي حسام حسن او حسام البدري ؟ و لا علشان معتمد جمال راجل محترم مش هيرد عليه فيقدر ياخد راحته معاه في السخافة وقله الذوق لكن التانين دول كانوا ممكن يمسحوا بيه الارض لو فكر يعملها معاهم ياريت اداره الزمالك تحمي مدربه شويه عن كدا وحد يطلع يرد علي الأخ دا ويقوله عيب كدا

الحمدالله وصلنا النقطة ١٩ سير يا زمالك سير ✌️

الحمدلله 🤍

خرج شيكوبانزا يا كابتن معتمد

شكرا يا عارضه

الله اكبر عاش يا حمد يا لعيب

عاش يا مهدي

عدي الدباغ وحش اوي لحد دلوقتي

بدري اوي الانذار دا يا حكم

ال ٦ ماتشات هنلعبهم في خلال شهرين وفي نفس الشهرين هنلعب ٧ ماتشات في الدوري ١٣ ماتش في خلال شهرين من غير اي توقف او راحه هيحددوا موسم الزمالك آخر فرصه لتقوية الفريق وتحسين جودته هتبدء من بكره ولحد نهايه التوقف الدوري يوم ٢٣ نوفمبر و من بعدها مفيش فرص تاني ولا وقت لتغيير اي حاجه كابتن حسين مش هيمشي معتمد جمال لان مفيش حد بيمشي مدرب بيكسب بس فيه حجات لازم تتعمل إضافه عناصر للجهاز الفني تساعده ياريت يكونوا اجانب توفير مستحقات ومكافآت للعيبة سعه كامله لاستاد القاهره في ال٣ ماتشات مساعده الجماهير الي هتسافر تنزانيا و تونس والجزائر لكن لو فضلنا علي حاله التواهن الي احنا فيها من اول الموسم هنخرج من المجموعات