خالد بن كريفيس

يا ليل الشقى حاول ترفّق قدر الامكان ما عاد يتحمل قلبي اطلبك ترفق به انا من ورى صدري مثل فوهة بركان وبواخر غرابيلي على القلب رسّت به تدور الليالي و العنى ثابت الاركان على من سلك درب المحبين يثبت به يقولون فـ اول دربه اللول و المرجان عصافيره من الصبح لـ الليل غنّت به واقول الصحيح ان الهواوي ترى ضميان لو انه لقى له جم قرهود يشرب به لو انك تغني ( سايق الخير ) يا طربان مردك تجر من الصبا لين تكتب به عليك الحشى ملتاع يالجادل الفتّان طواريك تخطف بال عاشقك تفلم به ترى طيفكم ما غادر لعالم النسيان لو انك تغيب سنين فكري تحفظ به و لو اني تعلمت الرسم من حبر فنان و خذيت اتعلم لين رسمي تفنن به من المستحيل ارسمك صوره ورق والوان ما دام ان وصفك يعجز انسان يفكر به انا كيف بنجى من هدف سهمك الرنان اشوف انه اقسى سهم فالقلب ينشب به تبتخر على كل الغنادير بـ إنس و جان على زينك الطاغي يحق الك تغتر به خالد بن كريفيس

" دون وصلك ما تهمني لا طبيعه لا هبايب تستوي عندي فصول العام و الكل تشابه "

هدوء المسا و الفكر هيّض لحون القاف مزون القصيد العذب يمطر بي قنوفه اسوق الخطاوي قاصدٍ ذروة المشراف يسرّيني التفكير فالعشق و ظروفه خذيت اتطلّع فالهوى من زمانٍ طاف لقيت اوله نشوه و فآخرته حسوفه و انا قلبي اللي هاب له فارعٍ ميلاف لو انه يقابل جيش و يشتت وقوفه حروب الهوى اقسى من مقابل جيوش آلاف الا ليتها ب مقابل الجيش و صفوفه يامالك حشاي و بهجتي بك بدون اسراف هنا جرحي القتّال و عيونك تشوفه على معركة حبّك ظهر ب ان معك احلاف مفاتنك جيشٍ تورد العاشق حتوفه انا كيف بسلم و المواجه بدون انصاف "عيونك رماح الحرب و رموشك سيوفه" اجيك بكلام محضّره لك وراه اهداف واروح و كلامي فالصدر ساجن حروفه تعاليت من كبر و تركت الهوى نكّاف ضربت الهوى والوصل في عارض الطوفه وش تفيدني كلمة عتب و الكلام الجاف ضهر من ضميرك و الغلا تعلن نكوفه قسيت فكلامك يالغضي من طغى واجحاف مثل قسوة الحجّاج في خطبة الكوفه خالد بن كريفيس

يطول البعد و تجف العروق الين أشوف النور على اطلال الامل وقّفت ما يثنى بها ساقي ) :

مبتدا حرب المحبه تشبه لـ ذات الصواري بالجيوش و بالدروع و بالسلاح و بالذخيره

على الدارج المعتاد ماني بـ اسوق اخطاي دهاليز فكري جابت اغلا من الدرّه ما اجيب القصيد اللي ما ياتي على شرواي على قمّة الابداع و تزيده الجره انا ما اطرب لـ فيروز و لا لـ عزف الناي شعاني القصيد العذب مع جرة المرّه على العزله اللي راق بالي لها بـ غناي اببعد عن العالم زمن و اترك الفرّه و ازيّن لي الرسلان دلّه على ليلاي تجالي عماسي هذّبت نفس محتره لو يزيد همّي مستحيل افضحه بحكاي ولاني بـ راجي لي بشر و ادبل الحرّه انا مالي الا الله عليه ارتجي شكواي لو ان نار همي شبّته تغني الكرّه تزيد الهموم ف قلبي و ثم ازيد ادعاي ياملجى لعبدك لا شكى الضيق والضرّه انا ودّي اشري بال دايم يجي نسّاي تشوف الهموم ف قلبي اصغر من الذرّه هواجيسي افواجٍ تجيني على مسراي تحد الطريق امن البحر تاصل لـ برّه على اللي لا طوّل غيبته معه زاد غواي تسلطن على قلبٍ حلف بإنه يبرّه على روحته حرف الوله حشرجه بحشاي و لحنٍ يجر من الصبا الخافق يقرّه عروق المحبه دمّها الوصل غيث لـ داي لو ان نفقده بيموت عرق و بدى شرّه مصيبه لو ان مسبب الداء هو ادواي بدونه لو انّه طاقم الطب ما برّه وانا المشكله مااسري ورا المقفي برجواي لو ان دارت الفكره ترى الساق مبترّه خالد بن كريفيس

استغفرك ربي واتوب اليك 🌹