الخنقة الحقيقية مش ان الدنيا تضيق عليك الخنقة انك تبقى مش عارف تشرح اللي جواك ولا حتى لنفسك تبقى حاسس ان في حاجة غلط لكن مش قادر تحدد هي ايه وكل ما حد يسألك مالك تقول مفيش لانك فعلا بقيت عاجز انك تعرف مالك وتفهم انت ايه الي مضايقك
الزعل ملوش دوا زي الحنية تخيل كده تكون زعلان من حد وفجأة تلاقيه بيقرب ويقولك حقك عليا متزعلش أو حتى يبعتلك رسالة بسيطة عشان مش قادر يستحمل إنكم تبعدوا عن بعض الحاجات الصغيرة اللي فيها لطف واهتمام دي بتفرق جداً بتهدي الوجع وتجبر اللي اتكسر مهما كان الزعل كبير
بقيت فاهم ان مش كل خنقة لازم يكون ليها سبب واضح ساعات الروح بتعب من كتر الصبر ومن كتر ما بنعدي علي حاجات من غير ما بنتكلم وبنكتم جوا نفسنا لحد ما بنفجر في صمت
العتاب محبة لكن كتره مزلة وأي حاجه تزيد عن حدها بتبقي بايخه اووي عشان كدا أنا ضد إنك تعاتب الشخص على نفس الحاجة كذا مرة لإن مفيش حد مش واخد باله طول الوقت بالعكس واخدين بالهم وعارفين بيعملو إيه كويس وبما إن زعلنا مش مهم عندهم زي ما العتاب محبة للي قدامك الانسحاب برضو محبة لنفسك
بقيت بخاف من الحاجات الحلوة عشان اتعلمت إن أي حاجة حلوة في حياتي لازم هيجي يوم وتتكسر بقيت أستنى الوجع قبل ما ييجي عشان لما ييجي ميوجعنيش بس اكتشفت إن حتى الخوف من الوجع بيوجع
