ذكرتك يالحبيب اللي عسى الله يذكرك بالخير
لو انّ اسباب حزني و انكساراتي من اسبابك
وحيد وما معي اِلّا طيفك العابر فقط لا غير
يمرّر كل ذكرى عابرة في صفحة كتابك
وشفت بلحظة غيابك يدينك مع يدين الغير
وشفت الموت كل الموت شفت بلحظة غيابك
قد طلبت الله وانا بين زمزم والحطيم
شوفتك يا أغلى ثنيّه ليا صرتي رباع
العيون تجوع لك جوع والله العظيم
والعشا فعيونك السود وعيوني جياع
إن عطيتي ؟ مايرد الكريم إلا اللئيم
وان بخلتي قلت تكفين والدنيا متاع
اقربي مثل التباشير في وجه الكريم
وابعدي مثل التعازي على موت الشجاع
-
تضيع علومي لا لمحت الخطّ مرسوم
وأضيع بين الوصف وأسرار تكوينه
كن الحسن في وسط تفاصيله مختوم
وكن الشتاء ينتظر الدفء في حينه
لا صار زينه يجمع الصمت والعلوم
وشلون شاعرٍ يقدر يوفي مضامينه
تكفي مراسيلنا العجلات ياخلّي
عن مخذ الاخبار والا شوف الازوالي
ㅤ
قلبي وقلبك توصل لك وترسل لي
والله انها اشد من موجات الارسالي
ㅤ
ردٍ سلامي عليك وجن وقال الي
انك ترحب وانا في خاطرك غالي
لا صرت تغلي شخص ما عنده احساس
ان رحت و الا جيت .. عنده عوافي
إدله مثل ما هو بـ داله .. مع الناس
و قلّ للهموم .. بـ غيبته بس كافي
لقيت لعلاج .. الهموم ابو لباس
و سجتك مع ذودك .. بجرد الفيافي
ناقه وهي ناقه .. تبادلك الاحساس
تصفي و بعض الناس : ماهو بـ صافي