ِ

" لا حداني زماني تفزّع أشعاري " .

يارب وإجاباتك تبي قلب داعي يقينه أكثر واجد من أرتجافه سخِر لعبدك ماسعى من مساعي قرب له أحلامه وبُعد المسافة .

الشوارع كئيبة والمدينة تحيّر والقلق منتشر بين البشر والمباني أختفي وأتضايق وأحترق وأتغيّر في مكاني وأحس إني ماني في مكاني ليت الأيام ترجع بي يوم إني صغيّر للهوى للفيافي للصبا للأماني الشغف قلّ والعمر القصيّر قصيّر غير هذا العمر محتاج لي عمر ثاني .

تغاضى قد ماتقدر .. مادام إن العمر محدود ولا تحزن على الفايت رحاب الأرض ممدوده .

لك منزل بين الرجى والتمني ولك دعوةٍ ما فارقت قلب ولسان أدعي عساك تكون فيني ومني عل وعسى ما يملكك غيري إنسان لا ياخذك وجه الجفا غصب عني ولا يردك عن دفى صدري أزمان أنت الأماني والمُنى والتمني وأنت الكمال وما يخالطك أي نقصان .

قبلك حياتي ترى ماهيب مرغوبه وشلون جدّد وجودك رغبتي مدري عن عيني الناس ملغيّه ومحجوبه ما أشوفك إلا سماي وكلهم حدري .

أحبك / وفي كل مره أحبك بلا تزوير غلطةٍ لو عاد الزمن — بعوّد اكترثها .

عساني لا بكيتك من غلا ما أبكيك من فقدان ولا أعيش الحياة اللي بدونك ما أتخيلها أمانه لا أفقدك وينفتح لي للحزن بيبان وأنا بيبان حزني محدٍ غيرك يقفلها ولا غيرك يداويني ويعرف راضي أو زعلان ويمسح دمعتي ويلعن ثوى من هو ينزلها

لاجفاك الي تحبه فلا تلحق وراه ما جفاك الا وهو وده انك تقطعه عز نفسك عن تقفاه لا لقى قفاه مخبل اللي كل ما اقفى وليفه يتبعه وش تبي باللي ما يبغيك يا مال الغناه ماورا طرد المقفين رزق ولا منفعه والله لو أنه يحبك ماسوا ذا السواه كان يمدي دافع الشوق صوبك يدفعه .

أنت تعرف إنك اليوم قمراي وإنك فضاي ونجومي والمجرّة وإنك سماء روحي وعمري ودنياي وإنك بدر يطلع ثلاثين مرة وإنك ملاذي والرجاء وإنك مُناي وإنك عذابي بالهوى والمسرّة .

مالي وطن ثابت ولا لي عناوين والعمر حتى العمر ماعاد وافر اسحب سنيني بس مدري على وين حتى وأنا مسافر أفكّر أسافر .

صويب الحب لو غنّى بشعرٍ يروي الأسماع تحسون بقصيده بس محدٍ حس بجراحه .

‌غلاك في قلبي مع الوقت يزداد احساس وشعور وغرام وحكايه في نظرتي بين البشر مالك انداد ويبقى وجودك في حياتي كفايه.

" شعوري الليله شعور البدايه بين القديم من السكك والمنازل شعور من يبغى الرضا والهدايه ويواجه انواع الحيَل والمهازل غريب ماله من ورا الناس غايه بينه وبين الواقعيّـه عوازل راحت حياته ينتظر .. والنهايه يوم اقترب من كل حاجه تنازل"

سولف وتنبت في الصّدور النّواوير واقطف غلاك من العمر ما حيينا .

أنت الكيف بأوله - وأنت الود بآخر غلاك فنجالٍ صبيته ولا فكرت في هزّه .

لقيتك من بعد كل الخساير ربحي الأعظم ولقيت بك عوض كل ما ضاع من أيامي .

حبك أنت شمس ناسيها الغروووب❣️

مرحباً قبل السؤال ومرحباً بعد الأجابه ياهوى القلب العليل وبلسمه من كل عله ما بعد صوتك جمال ولا بعد شوفك رحابه انـت الـذي تـستـحق الـغلا دقـه وجـله من يشوفك يبتسم لو كان عايش في كئابه كيف عاد اللي فقلبه لك مـكانه مستقله .

معه السوالف بين تمره و فنجال تسوى السوالف فـ الفلل و الأراضي .

أحبك كثر ما كنت أتوقَّى والغلا مفضوح وأحب أيامي الِّلي جابتك يا أغلى عطاياها.