المُقتضَب

من دريت ان الدعا تحت المطر يلقى استجابه مادعيت الا وانا ادعي لك معي في كل مره

ودي أبعد عن جدال وودّي اقرب من جديلة لين اجدد في زوايا البال ذكرى راعيتتها والله ان كن الهبايب والنسانيس العليله ماتعرف تهب من كل الجهات الا جهتها والعيون الي ماشد انظارها برق المخيلة ما تحب من الدروب الا الدروب الي مشتها

من كثر ما طيبه تعلّق .. بالاذهان لا شفت لي موقف يشرف ذكرته .

اشد من طعن السيوف المحاديب شوف الكريم مبهذلته الليالي

استر على المخطي ترا الوقت دوار يمكن يدور .. وتطلب الستر منه

سولف عن القابله ولا عن الليله لا تطري الماضي الله يقلع الماضي .

دام الفعايل هرج كبّ المشاريه فنجال مدحك لا تسوقه علينا .

انفوسنا على أخويانا صبوره نموت والشكه ماتلحق مدانا .

من معاه الله ماعاش بالدنيا وحيد من تذرى في ذرى الله عيَن له ذرى .

البشاشه والتسامح والتغاضي من صفات اللي ضمايرهم نظيفه

يالله بصبحٍ تستحي منه الاحزان ويالله بيومٍ يبعد .. الضيق عنا .

كل عسرٍ لا دارت الدنيا ، يلين وكل ضيق يلقى بأمر الله سعه .

لولا الحيا ومجامل الناس للناس مادام " ودّ " ولا أستمرت علاقة .

قلبٍ ماليه الحسد ماهو موفق لو يقوم الليل ويصلي صلاته .

يسعد بنا الطرقي ويفرح بنا الجار وعند الخوي نثني ويبرك جملنا .

المرجله صعبه على طافي النار ماكل من يبغى المراجل قدرها احدن عزومه قاصره عند الاخطار واحدن عزومه بالخطر ماذخرها .

انا ماني معلمك الخطا والصح يا رجال  تبي تعرف ليا خاويتنا وشهي مراجلنا قصرنا الخطوة اللي قدمها كل الدروب هزال وعلى درب السنع سقنا خطاوينا وعجلنا على ظهور الاصايل ما نسابق غير : طيّب فال واذا شفنا الردي يبغى يسابقنا .. ترجلّنا .

ليت العمر وقف على ذيك الازمان وليت الطفولة ما عطتنا ظهرها .

رفيقي اواصله وانشد عن علومه  وإلى سبقني بها جعله على القوّه على النقا والثقه ماهيب معدومه  نعرف حقوق الخوي ونقدّر الخوّه .

من لا يودّك لا تبيّن لـه الـودّ مودةٍ بالكـذب ماهي مـودّه وحبل الريا والكذب لو كان يمتدّ دايم قصير حبال مهما تمـدّه وشيٍ بني بالكذب مبناه ينهـدّ دورات الأشهر والليالي تهـدّه .