شطر/صورة

هذي جرّته في مرتع الصدر رايح جاي من أبسط حقوق الحرّ خطواته الحرّة - عبدالله السراهيد

حبيبي ما بعد صدرك ملاذ وضحكتك ميلاف جعل درب اشتياقي ما يوّردني على حتفي اسيل الخد ، مهضوم الحشاء ، متمايل الاعطاف على الملهوف في برد الليالي ضمتك تدفي _سعود مهدي

"يحاوطك المطر من كل يمه ، وتْهواك النود وانا روحي عليك من الوله ولهى مثل ماهي" - فيصل السور

أطش الدفا في وجه برد الشتاء ، وأقول : يجي يوم ، ويْدين الليالي تدفيني — مساعد الرشيدي

"صيّبـاً نافع يا ربي .. ومـدرارٍ غزير بآمرك تسابق بروقه برد وسميّته يْغسل صدري بعد وعكة الجرح الاخير لين تشفَى علّةٍ دمّرت نفسيّته." ): -مشاري الصغيّر

اطرقي يا اوّل ليالي الشتاء باب الضلوع واستبيحي حرمة الدمعه المتعلّقه يمكن يواسيني الغيم و يهلّ الدموع واتفادى شرهة الخطّر المتغلقه! _البسّام

صوتك يشابه مطر وسمية هلّت فوق ارض بدوٍ لها عامين ماسالت بعدك الاصوات لو كثرت ولو قلّت متساوي صمتها عندي بما قالت - بندر الدويش

ودّي تفيض بفاتر الصوت غدران نَقْع المطر .. يْرفا عن الكبد علّه — مساعد الرشيدي رحمه الله

صوتين تسرف بالشعور وربّك تاخذني من الارض لين الغيمه صوتك إذا عبرت لي عن حبّك وصوت المطر على شراع الخيمه _ ناصر مناحي

تراحيب البدو بالعيد والا الغيث لامن هلّ متى ما جت بك الأيام ما تسوى تراحيبي! عبدالله الصلاخي

اذكريني كلّ ما بلل القاع السحاب مثل ذكرى طرّفتها نسانيس الصبا – راشد الجويعد

في مثاني نجد الانجد وأيسره وعلّوه كن مزن الوسم من بعد البطاء متعذّر كل ما لاحت بروقه في مقادم نوّه قامت الأرصاد ترسل والدفاع يحذّر :) _جرّاح العتيبي

قالت : تْشوف رشّه فوق خدّي قلت : حتى المطر عنده مزاج _مساعد الرشيدي

جتنا رعدها يشتكي .. من ماهاا مدري مطر ولّا السماء منشقّه؟ ^ يحدث الان

و اليّا أمطرت نجد العذِيّة تعالي _مساعد الرشيدي

الرزق ياتي مثل هتّاش الأمطار ماله مصك ولاش دونه سلاحي" _ تركي بن حميد

عطني علوم الحياء ما أبغى علوم البشر اكثر علوم البشر والله مافيها حيا - عقاب العماني

أطهر من الورد وأعذب من مياه المزون هي اللي لو زرعنا عشبةٍ أثمرت في كفوفها

للشتا قدره على نبش الشعور الخافي ذروة إحساس الفصول إن كان فيها ذروه الله الله .. بالقصيد وبالكلام الدافي اللي أدفى من لهيب النار ومْن الفروه — سلطان بن بتلا