رَمح

عادي وضعك وضع ألي توها راده حق زوجها ، ماعليك عادي شوي شوي ترد الميانة

عيد الضحية عيد ثقل و رزانة ياللي تهجرس لك قصيدة غزل توب حتى لو إن غاليك تغري ثمانه نصيحتي لا تلبس الثوب مقلوب وإن فرّ قدّه فرّة الخيزرانة تقدّ في فعل العفيف ابن يعقوب أقولها لو كنت ما أملك حصانة إنسان مثل الناس و أحب و أذوب نوب أقطع أيامي بقوّ الديانة وأحيان أقطّعها على شان رعبوب عيّا علي شبابي بـ عنفوانه أزهد مثل عبدالله الصالح أيّوب صح إن راسي بحر علم و فطانة لكن في صدري يجي عشرة قلوب شاعر و شيطاني يحب الشطانة وأكثر بنات أفكاري التالية عوب محتاج صدر أتقى رجل في زمانه عشان أرتب قلبي المملي ذنوب عجزت يديني فيه تقضب عنانه كنّه نحاويٍّ لواديه مجذوب أهلكت جسمي والليالي عشانه وهو لا رضى من صوب يرتاب من صوب يبا القمر و الشمس تجلس وزانه ولّا أغْرف نجوم المجرة له بـ كُوب كلّه من اللي كنّه عروق دانة غرّة و منحر و انزواية و عرقوب في كل يوم يكرر الإسطوانة إن كنت لي لا أشوفك مجنب النوب كله عشانه كبّر الله شانه أبو عويْدٍ كنه سويق نبنوب قبلة عرب جده جمال و تكانة ما شوّقوا قلبه ربوض الكُفي شوب إن خان غيره -صافي الحب- صانه وإذا تغلى جابه الشوق مغصوب عليه من لِين الحلاوة ليانة وعاليه من نار الغضى خد مشبوب يتلّني لي له في حلاوة لسانه وأروح له سمنٍ على الصاج مصبوب فالليل تسري لي طيوفه لعانة والصبح تاخذني على بيته دروب مدّيت له ضحكات عمري ضمانة واهديت له غير الشعر كل مطلوب اسمه و اسم جده و طاريه أمانة وحبه وتقديره على الروح ماجوب وإن راح ولا جا مكانه مكانه مقيم لين أفصل من الكفن ثوب