مشاعري ما عندها شخصية تقريبًا
زي الصلصال تتشكل مع اي اغنية
وحتى على حسب التوقيت
الا مع طلال مداح وعبد الكريم عبد القادر
نفس المشاعر ونفس ردة الفعل ونفس
التفاعل بكل مرة اسمع لهم اكون منبهرة
ومستعدة أحب الدنيا وكل كائن حي ممكن
يمر قدامي
سئمت عدم المبادرة من زياد ولد خالتي
وكتبت له رسالة ورقية تعبيرًا عن حبي له
ونهاية الرسالة رسمت قلبين متصلين
فيها حروفنا، خبيتها لأجازة الصيف
عشان اسلمها له يدويًا
والمصادفة رممنا البيت
واختفت الرسالة
وضاع حبي لزياد من يومها
من الاشيا اللي سببت ذعر لجهازي العصبي
كلمة بسرعة
مقاطع عنوانها
1-مهارات تقدر تتعلمها بيوم واحد
2- كيف تتقن اللغة الأنقليزية بشهر
3- كيف تبدأ العيش بعد عمر الـ26
3-4 طرق لتختيم مذاكرة التحصيلي في اسبوعين
والقائمة تطول وانا للأن اهلع من اي شي
فيه مدة محددة وتنتهي صلاحيته
وانا اقلب بتيك توك اكتشفت اني كنت اتعالج
بتهدية النفس بطرق علمية بدون ما ادري
وهي الهمهمة او تهويدة بصوت غييير واضح
وبذي الطريقة يتنشط العصب المبهم ويرسل
اشارات للجسم بالهدوء وتهدية الجهاز العصبي
وهي عادة اسويها وقت التوتر عشان يسكت
عقلي وفعلًا كانت طريقة فعالة
بداية سواقتي كان عندي رعب من الدوارات
وقفت قبل ادخل الدوار اشوف شرح
باليوتيوب وطولت لين وقفت دورية وراي
ولا عندي رخصة من الخوف دخلت الداور
وانكسرت الرهبة من الدوارات بهذا الطريقة
طلعت بدري عشان اخذ قهوتي وارجع البيت
وصلت وهم باقي مقفلين، وانا ما امخمخ
الا على البن الاوغندي عندهم، جلست انتظر
لبن فتحو ودخلت
وقال معليش اليوم مافي اوغندي😘