انا اللي شفت في وجهك طهارة قلب ما ينعاف
و معك ما زادت احْزاني "معك يا خفّة دموعي "
فداك الشعر والشاعر و قافٍ ما عليه خْلاف
"و فداك القلب يوم انّه ..لدربك صار متبوعي "
اشوف بعينك اليمنى بلادٍ .. ممتلي بـ إنصاف
و اشوفك بين طيّات القصيد و .. لمة ربوعي ❣️
-فاتن
«يارب أمطر على أرضي عساها تنبت الأحلام
بذرت إحساسي ورغبات عُمري ودّي أحصدها
ولا تشمّت بي الحاسد ولا يفرح بي النمّام
ولا عدواني تعيش انكساراتي وتشهدها
ولا تكتب لي أناجي طموحي والحظوظ أيتام
ولا تقسم لي حظوظٍ تجاهدني واجاهدها»
" هلا يا غيم، لو جفّت يدينه ما بخل ظلّه.
تمنّيتك تجي ليلة، وجيت أكثر صبح منّه
هلابك بأرض ما تعرف ذبولي لو ذبل كلّي،
نمى عشبٍ من احساسي قصيد ولو تبي غنّه
أحبّك سالفة عدّت، وعادت كنّها قلبك
أنا ادري لو رحل ساكت، يجيبه قلبي وظنّه❣️ "
