ابراهيم لفى

🇸🇦 ~ فعلك ياخو نورة مجرّب من قديم وامجادك ترفرف على هام السحب دايم مواقيفك على النهج القويم ماهو على الباطل ولا مع من غلب اضرب عدو الله وضربك فـ الصميم يطرح كبار الروس ويشلّ السرب اللي وطيته راح بنيانه حطيم تخطيطه بـ عامين في ساعة خرب افتح على العدوان بيبان الجحيم خل الحياة بـ عينهم نار ولهب ان عاشوا يعيشون في ذلٍ مقيم وان ماتوا يروحـون سوء المنقلب يسقا عدو الله شرابٍ من حميم وراسه وقود النار وعظامه حطب #السعودية

يابو ذعار ماعادت مشاويري بـ مشهاي رفعت الطموح وطاح سقفه على راسي حلالاه ليت الحظ صرافة بمخباي مايمديني ارفع رايتي واعلن افلاسي وانا شرهتي تكبر لو اني على مركاي ورغبات نفسي دونها خاطري قاسي اجل كيف يوم اركض برجلي واشد خطاي واطوّح شماغي واشلع الصوت باحساسي قل لراعي الحق اقطعه لاتعقل الراي انا اعرف وش قيمة هواجيسٍ بـ راسي وخذ مني اللي طامعه لو هو بـ يمناي لكن لابغيت اتطيح طح وانت متواسي

ياليل اترك جروحي من يد الجرّاح لـ الجرّاح ماتسعفها لحون الوجد يوم توزّع انغامه من اوجاع الغياب وصدمة الخذلان ماش ارباح تـرا الغايب ظلم نفسه وانا ماني بـ ظلّامه سلينا من طواريق العتاب اللي خفاها باح هجرنا اللي يبا الهجر وعطينا الوصل سوّامه وطيرٍ ماجذبْه الصوت خلّه ينكر الملواح قليل العرف من خلّا الحياة وعاش بـ احلامه عتق جرح المريض اللي تواكل عرقه النضّاح وانا ماكنت كان هاقي به يطيب وتبرد آلامه عن اللي راح لو يكثر ملام الروح وقته راح خساير عمري الفايت لاتحرق باقي ايامه نعيش بنعمة النسيان ماعشنا بسبع ارواح خذتنا من زمانٍ كان فيه الضيق دوّامة اجاهد لوعة الدنيا واشوف همومها تنزاح وكم مقدامٍ يبوج السرايا تحكم لجامه معي لـ النايبات الغبر مجند ممتلي وسلاح خويٍ لاكرب ضيق المحاني يكرب حزامه نباه ازكى من العود العتيق وعطره الفوّاح وجوده مثل ذعذاع الصبا لاهبّت انسامه سلام الله على الوجه الرضي والخاطر الدمّاح مقرّ الطيب يوم الله عطاه الطيب بـ زمامه عوض عايد ذخر فطحان يوم الموت له صيّاح تسلّم من يد التاريخ درع المجد ووسامه سليل البلط مقدام العرايف حامي الطيّاح يطيب الْه الفخر دام الفخر ميمون حكامه ينومس روس حمران النواظر زنده القدّاح مواقيفه تجمّل لابته وتهيّب اخصامه مقاليد الفخر يمّه تفوّج زحمة الامداح مواردها عليه وكل فوجٍ يرفع اعلامه يلوح العزّ بـ حجاجه مثل برق الحيا لا لاح الى منّه نصاه الدرك شاف العزّ قدّامه على متنه نجوم الرتبة اللي جابها بـ كفاح عديمٍ رام طالات المعالي والثنـا رامه وفي راسه عزوم الفارس اللي يبعد المشواح يلزّ الخيـل في يوم الغضب ما تبرد عظامه يابو عايد فداك اللي غوا بـ علومه المدّاح يحسبنّ المراجل هيلمة حتسيه وهندامه واذا جات الصمايل راح ماعلّمك فـ المراوح معاذيره مثل وجهه وعينه تطرق اقدامه لاهمّل داعي الماقف يجاوب داعي الافراح ياليته يوم صام اوّل نهار يكمّل صيامه وليته فكّر بـ شرهة ربوعه والقلوب صحاح مثل تفكيره بـ لون الشماغ وشكل مرزامه من يعلّم ضعيف الرابعة من زمّ خشمه طاح ولا عَزّ الله اللي من غيا الشيطان زوّامة ياعنك ان الاسامي ما تمجّدها رتب والواح رهان المجد فعلٍ مثل فعلك يرفع الهامة

اسلمي ماوراي من العنا والكلوف غير عمرٍ تبدّل يوم جيتي عمر في عيونك حياة اللي عيونك تشوف لك ضلوعه مقرّ ولك خياله ممر والله انك كسبتي بالسلام امعروف ومْعروفك ملا بطني وبطني حمر مرحبا وابرك الساعات واغلا الضيوف ياجميل الزمان اللي غمرني غمر

سلامي على اللي كل مالله عطاه ايحبّ تفاصيله الغرّا على العنق والاهداب غزالٍ يلاعب نسمة الغرب يوم تهبّ ويسكر هواه ان خالطه عطره الجذّاب اصب الغزل في مبسمه لاضحك لي صبّ واذوق الامان اليا حضنته وهو مرتاب عذيّ المشاعر ما لـ قلبي بدونك طبّ كلامك علاجي واصرفه ودّ ولا عتاب واخذ من رغد دنياك ملح الغلا والحبّ ماعمر الفوارق تزرع الخوف بـ الاحباب انا جيت اوازن مركب العشق وسط الجبّ ولاسقت عمري غير يوم اثمر العنّاب تراني ولد ماشاب راسي وصدري شبّ مابيني وبينك شيّ في ذمّة الكذّاب

عزّت على قلبي مساري حنينه اللي وراها يردف البيت بيتين يانخلة الوادي وسور المدينة انتي شهود الجرح لو ماتحسين والله مدري داعي الحزن وينه لكني ادري نسمة الشوق من وين الحب خلّا في كياني سكينة من يوم وقّفني على جال نارين مشكلتي اكبر من مشاعر حزينة غابت عن اللي يطردون المقفين صدري لـ نزعات المحبة رهينة والعزّ مقرونٍ معي ماهو رهين ياليت قلب العاشق بـ راحتينه يختار ما يصلح له امن المزايين يالهفة المغرم على احلى سنينه ويالوعة المشتاق من حاله الشين باب الجفا هبت معاه الغبينة على هوا دارك من العام لـ الحين لاماك يشفي بـ ايّ حالٍ تبينه جفاوتك زينة ولينك بعد زين كلك حلا ماله مع الناس عينة واظنّك اول من جمعتي نقيضين صوتك دوا اللي بـ الحكي تجرحينه وقلبك يحب ويكره الشخص في حين اللي يشوف مواصلك اكسجينه شوفي وفاه وشوفي ان الوفا دين هذااا مهو محتاجٍ اتعلّقينه متعلّق بـ ذكراك لين انّك تجين اصدق من اللي قال رجفة يدينه وملامحك اصدق من اللي تقولين وش لك بـ اساليب القلوب اللعينة اللي هواها مثل مس الشياطين عداوتك مافي طرفها ظغينة وابعد عليك من المدابيح تنسين وجهٍ من وجيه الغلا تسترينه ماهو بـ ماخذ فـ الكواليس فصلين والله لو انك صدق ماتعشقينه ماهو بـ طاري لك عليه اتغلّين زيدي قساك وحاولي تكسرينه تراه متعلّم على العسر واللين يرخص دمه مايرخص دموع عينه لو انها ترضيك جعلك ماترضين

تحاكي بسمتك كل ابتسامة في وجيه الناس :)

ياخويّي لاتصير بماقفك متشدّد الحياة تطوّعك لاصار عقلك مارد لا تلاوم بالغرام اللي هواه محدّد يطرح الخاطر على شف الغزال الشارد ودي انّه طول عمره بيّن ومتصدّد لذة العشّاق لاصار الوصال مطارد الغلا اللي كل ليلة خاطره متجدّد ماني مخليه خلوك بصقيعٍ بارد النصيحة تنفع اللي وده ومتردّد ولا انا الله لايعوق بـ شرّ وارد وارد