ذيبان

فيه واحد هارب من كتاب "البخلاء" للجاحظ، يدّعي إنه استشاري وراتبه فوق ثلاثين ألف، مع ذلك يشتري الزيتون بالحبة مو بالكيلو -أشغل عُمّال بندة بالعدّ- ويحدّد لكل فرد في العائلة ٣ زيتونات في اليوم. ويشرب في كوب مكسور ومطعوج له ١٠ سنوات؛ عشان لا يجيب جديد، ويشتري شبيه جبن؛ لأنه أرخص- وطُزّ في الكوليسترول وتصلّب الشرايين-أما شراء القهوة من المقاهي؟ يووه هذي جريمة عظمى في قاموسه. وكل يوم يجلس ساعة يحسب عدد الهلل اللي وفّره، وما يقدر يكمّل يومه بدون ما يمن على السوّاق والعاملة بتذاكر سفرهم، في الواقع والمواقع. ومع كل هالمعلومات اللي نشرها بنفسه عن نفسه، له شهور رافض يتخطّى وصف إحداهن له بالبخل -تلميحاً- ويراه من الظلم والبهتان 🙂 ترى لي شهور متجاهلة قذفك وبذاءتك بمزاجي، لأن ما عندي وقت للمهاترات والشكاوى، ولأني أشفق على أمثالك. فالبخل والطمع أمراض ابتلاك الله بها، وأطباع سيئة سجنتك داخلها، فلا داعي لسجنك ببذائتك، يكفيك عقلك، سجناً لك.