بنات بما اني موظفة خدمة عملاء اكتشفت شي حبيت انبهكم عليه لما تتصلون على شركة او رقم رسمي انتبهوا للكلام اللي تقولونه من بداية الاتصال حتى لو للحين ما رد عليكم الموظف وكنتم تسمعون الرد الالي او الرنين لان بعض الشركات يبدأ تسجل المكالمة من بداية الاتصال فانتبهوا لاي كلام تقولونه اثناء الاتصال
اهخخ انا مره طلبت اوبر عشان بروح اجيب جوال ولدي نسيته ببيت اهلي وعيالي معاي المهم ينزل ولدي ياخذه ويركض وانا اقوله بسرعه وادق ع امي اقولها عطيه بسرعه عشان اخوي مايشوفه لانه ممنوع اوبر عندنا وتقوم القيامه لا درى المهم يركب ولدي واقوله حرك بسرعه واسال ولدي هاه شافك فلان ؟ اللي هو اخوي ويقول لا لا وانا وولدي قامطين واشوف السواق ميت ضحك واحسبه يضحك علينا وطنشت ووصلت وقلت له كم حسابك قال لا خلاص قلت لا ما يصير كم حسابك ويقولي انزلي وانا انشب له الا يقول ي بنت اخوك خويي والله ما اخذ ريال منك وانا اشهق واقول يمممه قل والله ومات ضحك وقال والله وقلت امانه لا تعلمه ما ادري كيف طلعت مني هالكلمه المهم نزلت وانا متفشله 😭
بنات انا متزوجه وعندي طفلين وساكنه بمكان بعيد عن اهلي قبل ٩ شهور تعين اخوي بنفس منطقتي واهلي طلبوا مني يسكن عندي فتره لين تترتب اموره ووافقت ع اساس انها فتره مؤقته لكن للحين وهو عندي المشكله ان اخوي راتبه كويس ويقدر يستاجر له شقه لكن اهلي كل ما كلمتهم يشوفون له حل ..
يقولون بيطلع قريب وتعدي الشهور ولا يصير شي انا مو ماخذه راحتي ببيتي وزوجي متضايق من وجوده معنا ووالله اني مقدره اهلي وما ابي ازعلهم ولا ابي اخوي يحس اني اطرده لكن بنفس الوقت مو معقوله يستمر الوضع كذا وانا وزوجي مو مرتاحين ببيتنا ..
فيه وحده زوجها هجرها من سنين وسافر دولة ثانيه وهناك تعرف ع وحده وتزوجها واستقر مع زوجته الجديده ولاعاد رجع للاولى ولا حتى سال عنها او يعرف وش صار عليها وكل ما احد ينصحه حرام عليك ي ترجعها ي تطلقها تشوف نصيبها يرد عليهم بكل برود انا ابيها معلقه ابيها تتادب وتعرف قيمتي وبخليها كذا لين ارجع واذا رجعت بطلقها وقتها بيكون عمرها كبر ومحد بيفكر يتزوجها وفعل مرات السنوات وهو عايش حياته مع زوجته الثانية وقرر يرجع لمدينته عشان ينهي موضوع زواجه الاول ويطلقها اول ما وصل بدا يسال عنها عشان يخلص اجراءات الطلاق وانصدم يوم عرف انها خالعته من المحكمه قبل ٦ سنوات وتزوجت رجال ثاني وانتقلت معه وخلفت منه ٣ اطفال
كنت اشوف المتزوجين يتهامسون بالسوق واقول الله ع الرومنسيه 🥹❤️
بعدين عرفت ان هي تسأله كم باقي بالصرافه
وهو يقولها طيب سكري عبايتك زين 😭
انا الوحيده اللي بين فترة وفترة اصور نفسي وانا اسولف واشوف التعابير اللي تعجبني وتخليني حلوه واعتمدها ؟
هالفترة طايحة ع تعبير الصدمه وصايره احاول انصدم ع كل شي وادور اي شي بالسالفة يصدم 😂
عندي اجازه يومين ورجعت فيها للديرة ما يحتاج اقول لكم اني صرت طباخه ، سواقه ، مؤلفه ، طبيبه نفسيه ، منسقه ، معلمه ، مهرجه ، خطابه ، استشاريه ، انتم وقف عندكم الزمن لين ارجع ولا كيف من وين طلعت كل هالمهام
