صديقتي تروح الدوام منقبة واحد من الموظفين كان يحاول يتقرب منها عشان يشوف وجهها بداء يوهمها انه حبها ويبيها بل حلال بس يبي يتعرف عليها وبعد يروح هوه واهله يخطبوها من ابوها البنت صدقت انه حبها كان يقول اكثر شي حبيتك فيه انك منقبة ومحافظة على انقاب بعد فترة طلب يبي يشوفها هيه كانت رافضه هوه قعد يقنعها لين ارسلت له اصور والحين هوه نقل مدينه ثانيه وهيه ترسل له ولا يرد عليها

عاملتي اثيوبيه ولبسها في البيت حلو وبعد 5اشهر طلبت مني اوديها السوق تشتري لها ملابس تنام فيها بالبدايه قالت بتطلب من النت قلت لها الافضل تطلعي من السوق وتشوفين بنفسك يوم دخلنا المحل كان تقول مو عاجبني مو مثل الي شافتة في النت شوي وتقول ابي حق الشمس وانا مو فاهمه ويش تقصد قلت لها خذي الي يعجبك وكانت تختار ملابس داخليه مو حلوه وضاغطه عليها انا تفاجات من تصرفاتها انا رفضت وقل لها هاذولا الملابس ماتلبسنها حتى بغرفتك قلت طيب ورجعت بعض والباقي اخذتهنه واني فكرت انها رجعت الكل وشترت لها ثانيات اليوم شفتها لابسه لهنه في غرفتها ايس اسوي معا هاذه العامله

جارتنا بيتها م شاء الله واسع والغرف عندها واجد ومفروشة، بس إذا اجتمعنا عندها تحشرنا بأصغر غرفة لدرجه نقعد ملزقين ببعض وما نقدر حتى نتحرك والغريب إن البيت فاضي وواسع تتوقعون وش السبب؟ ماتبي نروح عندها؟ ولا ما تبي تتعب نفسها؟ ولا فيه سبب؟

حين يصبح الزواج عبئاً لماذا قررت ان ارحل عن زواجي؟ ادركت ان مشكلتي في زواجي لم تكن قلت الحب بل انني عشت مع شخص لم يتعلم كيف يعتني بقلب احبة بصدق كنت امنحه الامان والوفاء دون مقابل لكن خطئي انني عوتوة على انني دائمة البقاء فجاءني الاهمال بهدوء حتى تعبت من تحمل كل شيء دون ان اجد تقديراً وحين انسحب بقلبي لن انكر للحب بل لاني ادركت ان هاذا الزواج بات يتعب روحي اكثر مما يطمئنها وان هذا البيت لم يعد المكان الذي استحق ان ابقى فيه

تهاوشت انا وزوجي البارحه بالبداية زعل ليش طلعة معا صدقاتي وماكلمتوه انا طلعت ساعة ورجعت البيت بس وصلت البيت وهوه يصارخ عليا ويسبني وانا ساكته بس عند ما سب ابوي انا رديت عليه بنفس كلامه وجت امه وهداته وانا دقيت لخوي وروحت بيت اهلي واليوم جا لعند ابوي وقال اني انا الغلطانة وانا الي خليتوه يسبني لاني ماقلت له اني عاد اطلع معا صدقاتي ساعه ورجع بس امه الله يحفظها قالت له انت الغلطان مو زوجتك

قمت أصلي وأبوي شافني والتفت على أختي الصغيرة وقال قومي صلي أنا داري إنك ما صليتي قامت وصلت جنبي وهي ساجدة سمعتها تقول يارب وش صار بالموضوع اللي دعيتك فيه أمس؟ هنا أنا خلاص فطست ضحك وأبوي قام يهاوشني ليش تضحكين وأنت تصلين؟ ما قدرت أمسك نفسي وأختي شافتني وقامت تضحك هي بعد وتصفق من الضحك بعد ما خلصنا قلت لها بالله وش الموضوع؟ قالت الله يقلعني ليتي ما صليت جنبك طيب يا بنت الحلال الحين الفضول ذبحني وش الموضوع اللي داعية فيه أمس؟

دخلت الحمام بالظلام ولما طلعت شفت أخوي عند باب الغرفة ناديت عليه وما رد علي قربت ولمست شعره وكان شكله غريب قلت له تبغى تروح الحمام؟ ولا رد وبعدها ابتعدت عنه ودخلت عند أهلي وأنا عند الباب شفت أخوي نفسه جالس مع أهلي ويتكلم معهم لفّيت للحمام ما فيه أحد رجعت أطالع عند أهلي أخوي موجود قدامي إلى اليوم مر شهرين وأنا مو قادرة ألقى تفسير للي صار

صديقتي تهاوشت مع زوجها ورفعت صوتها وهو بعد ما قصر ورفع صوته عليها وبوسط الهوشة قالت له يا حيوان قام طلقها طلقة وحدة والحين هي ببيت أبوها وهو أحيانًا يجي يشوف عياله المشكلة إذا تكلمت معه يقول أنت السبب أنتي اللي غلطتي ويرمي كل الغلط عليها وهي تقول هو بدأ ورفع صوته علي بعد الحين ماندري من المخطي؟ هل كلمة يا حيوان تستاهل الطلاق؟ ولا اللي يرفع صوته ويجرح زوجته ما يحق له يحط نفسه ملاك؟

يمّه يمّه أمي خلتني أقص شعرها، وأختي المعتوهة كانت معي قصينا نصه وبعدين اكتشفنا إننا خربنا الدنيا أمي قامت تسفّل فينا وأنا أحس بموت من تأنيب الضمير والله مو قصدي بس السؤال أنا ليه مسكت المقص من الأساس؟

خويي خاطب وأم البنت جت تسألني عنه بحكم إني اعرفة، قلت لها الرجال والنعم فية وما علية كلام، لكن قلت لها بعد إنه يدخن واللي يضحك إنة يدخن با لخفاء، لا قدام الناس ولا قدام أهلي غالباً بالاستراحة أو بالسياره قلت لها الحقيقة لأني ما حبيت أكون شريك بكذبة خصوصاً إن الموضوع زواج ومصير بنت من يومها وهو مقاطعني طيب يا خويي إذا التدخين عندك شئ عادي وما يستاهل، ليش مخبية؟ وإذا ما تخجل منه ليه زعلت مني يوم كشفت الشئ اللي أنت بنفسك حريص تخفيه؟ ولا المطلوب إني أكذب عشان أحافظ على صداقتنا والبنت تكتشف الحقيقه بعد الزواج؟

اليوم كنا بالمستشفى عند زوجي، وفجأة وأنا جالسة مع أهله حسّيت كأني فصلت عن المكان تماماً أشوفهم قدامي بس ما أسمع كلامهم ولا أحس إنهم ينادوني ولا كنت سرحانه أوزعلانه قمت وطلعت أخذت موية ورجعت ولقيتهم كلهم مستغربين ويقولون كنا نناديك وما رديتي والله إني ماسمعتهم أبد والأغرب إني وقتها كنت أحس إني طبيعيةجداً موقف غريب للحين مو قادرة أفسر

البارحه كنت بعزيمه بسيطة وجا وقت العشاء وأنا آكل بهدوء واقول الحمدلله على النعمة، إلا عيوني تطيح على عجوز تطالع فيني ولا هي ناويه تفك نظرها وفوقها ابتسامة قلت بيني وبين نفسي يمه وش فيك؟ لفي وجهك يا حجة نشبت اللقمة بحلقي لا قدرت أمضغ ولا قدرت أبلع قلت حسبي الله من بعض العيون

ليش الناس تحب الخميس أكثر من السبت مع إن الخميس دوام والسبت إجازة؟ لأن الخميس وراه إجازة، وهنا تجي المتعة والسبت وراه دوام وهنا يبدا الضيم إحنا غريبين حتى فرحتنا مرتبطه باللي جاي مو باللحظه اللي نعيشها السؤال لو عرفنا نعيش اللحظه فعلاً، كان بنفرق بين الخميس والسبت؟ ولا إحنا اللي نعطي الأيام قيمتها

مين ينصف البنت إذا تزوجت واحد مؤذي يقعد ينكد عليها ويضيق عليها لين هي بنفسها تطلب الانفصال وبعدها يقول رجعي المهر؟ وإذا ما طلبت يعلقها على ذمته ويروح يتزوج ويعيش حياته هي لا هي متزوجة صح ولا تقدر تبدأ حياة جديدة وتقولون تشتكي بالمحكمة طيب البنت تدخل الزواج وهي متوقعة الأذى وتجمع أدلة من أول يوم؟ وهنا السؤال ليه إذا الزوج ظلم، لازم الزوجة تتحمّل وتثبت وإذا طلبت الخلاص صارت هي اللي تدفع الثمن؟ وين الإنصاف با الموضوع؟

بقولكم سالفة غثتنييي كنا نسولف أنا وزوجي وفجأة جاب طاري وحدة كان يعرفها قبل، وقال لي إنها كانت تفهمه أكثر مني وإنه مستحيل ينسى وقفتها معه سكت شوي وقلت له طيب دامها كذا ليش ما تزوجتها؟ قال الموضوع انتهى وانتي ليش حساسة من الماضي؟ قلت له أنا مو زعلانة إن لك ماضي أنا زعلانة إنك تقارنني بوحدة من ماضيك قام قلبها علي وقال يعني ممنوع أتكلم عن أي شيء صار قبل لا أعرفك؟ ومن بعدها صرت أنا الغيورة والحساسة بنظره غثنيييي وش رايكم؟

أخوالي أخذوا ورث أمي من زمان، وللحين ما عطوها حقها وأمي ساكتة لأنها تخاف من المشاكل وقطيعة الرحم لكن الورث كبير وإخواني يقولون هذا حق أمنا ولازم يرجع لها وهي رافضة تدخل معهم بأي مواجهة الحين محتارين كيف نطلع حق أمي بدون ما نخسر أخوالنا ونفتح باب مشاكل بالعائلة؟

عندي استفسار حساس جداً بنت قاصره من معارفي تعرضت للابتزاز والت~هديد الإلكتروني وتحت الضغط تصرفت بشكل خاطئ والآن في أشخاص يهددونها بالمحاكم ويضغطون عليها حتى تتواصل مع الشخص المبتز أهلها متشددين وهي خائفة جداً من انكشاف الموضوع وما تعرف شلون تتصرف هل فعلاً ممكن تتعرض للمحاكمة او السجن؟ وما التصرف الآمن والصحيح اللي تسويه الآن بدون ما تزيد المشكلة؟ أتمنى الرد من شخص فاهم بالقانون أو مختص

صديقتي زوجها طلقها لان هيه تعبانة وابوها سافر بها للخارج تتعالج وقعدة سنتين وهيه تتعالج وبعد ما روحت ابوها اشترا لها شقه هيه وعيالها واخذ لها سياره بس هيه الحين نفسيتها منكسره لان اقرب اناس تخلا عنها ابوها المشكله ماعنده شي على قد حاله والفلوس الي عالجها مش منه الفلوس من ابو طليقها بعد ماعرف ان ابنه طلقاه طرطه من البيت وعلجها هوه واخذ لها شقة ودرس عياله في افخم مدرسة ليش بعض الرجال يسوون كذا

اكتشفت إن ابن أختي على علاقة ببنت أختي الثانية بالبداية حاولت أنصحهم وأوقف العلاقة وأحميهم من الفضيحة لكن الوضع تطور وأمهاتهم ما تدخلوا فاضطريت أقول لإخوان البنت عن كل اللي أعرفه بعدها واجهوا الأمهات وفجأة صرت أنا أسوأ خالة واتهموني إني خربت العائلة وفرّقت الإخوة وقاطعوني والكل وقف ضدي مع إن أغلب اللي حكيت لهم القصة قالوا إني كنت أحاول أحميهم أعترف إني أخطأت لما كثرت التفاصيل لإخوانها وكان الأفضل أقول لأبوي من البداية لأنه عقلاني والكل يرجع له